ଲିଫ୍ଟ ଦେବାକୁ କହି ଅପହରଣ; ବନ୍ଧା ହେଲେ ହିତ୍ରିକ୍‌

ଭୁବନେଶ୍ୱର: ଲିଫ୍ଟ ଦେବାକୁ କହି ଅପହରଣ କରିବା ଅଭିଯୋଗରେ କଟକ ମଧୁପାଟଣା ଅଞ୍ଚଳର ହ୍ରିତିକ୍ ନାୟକଙ୍କୁ ଗିରଫ କରି କୋର୍ଟ ଚାଲାଣ କରିଛି ଭୁବନେଶ୍ବର ମହିଳା ଥାନା ପୁଲିସ । ଭୁବନେଶ୍ୱରର ଏକ ଘରୋଇ କଲେଜରେ ପାଠ ପଢୁଥିବା ଜଣେ ଛାତ୍ରୀଙ୍କୁ ଲିଫ୍ଟ ଦେବାକୁ କହି ଅପହରଣ କରିଥିଲେ ଯୁବକ ।

ସୂଚନା ଅନୁସାରେ ହ୍ରିତିକ୍ ଉକ୍ତ ଛାତ୍ରୀଙ୍କ ସହ ପରିଚିତ ଥିବା ବେଳେ ତାଙ୍କୁ କଲେଜରୁ ନେଇ ଘରେ ଛାଡିଦେବ ବୋଲି କହିଥିଲା। ଛାତ୍ରୀଙ୍କୁ ନିଜ ଘରେ ଛାଡିବା ପରିବର୍ତ୍ତେ ହିତ୍ରିକ୍‌ ଜୋର ଜବରଦସ୍ତ ନିଜ ଘରକୁ ନେଇଯାଇଥିଲା । ସେଠାରେ ଛାତ୍ରୀଙ୍କୁ ଜୋର ଜବରଦସ୍ତ ରଖିବା ସହ ବିବାହ ପାଇଁ କହିଥିଲା । ହେଲେ ସୁଯୋଗ ଦେଖି ଛାତ୍ରୀ ଜଣଙ୍କ ସେଠାରୁ ଖସି ଆସି ଘଟଣା ନେଇ ମହିଳା ଥାନାରେ ଅଭିଯୋଗ କରିଥିଲେ । ପୁଲିସ ମାମଲା ରୁଜୁ କରିବା ସହ ହିତ୍ରିକଙ୍କୁ ଗିରଫ କରି କୋର୍ଟ ଚାଲାଣ କରିଛି ।