କେଶଦୁରାପାଳ : ପୂର୍ବ ଶତ୍ରୁତାକୁ କେନ୍ଦ୍ର କରି ଜଣେ ଯୁବକଙ୍କ ଗାଡ଼ି ପୋଡ଼ି ଦିଆଯାଇଥିବା ଅଭିଯୋଗ ହୋଇଛି। ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
ରାମଚନ୍ଦ୍ରପୁର ଥାନା ଅନ୍ତର୍ଗତ ଭଣ୍ଡାରିପଡ଼ା ଗ୍ରାମରେ ଏକ ରାଜନୈତିକ ଦଳ କର୍ମୀମାନେ ଜଣେ ଯୁବକକୁ ସଂଘବଦ୍ଧ ହୋଇ ଆକ୍ରମଣ କରିବାକୁ ଆସିଥିଲେ । ଏହା ଜାଣିପାରି ବିରୋଧି ଦଳର କର୍ମୀ ପାଲଟା ଆକ୍ରମଣ କରିଥିଲେ। ଫଳରେ ସେମାନେ ଗାଡି ଛାଡି ଘଟଣାସ୍ଥଳରୁ ଚାଲିଯାଇଥିଲେ। ଏହାପରେ ସେହି ଗାଡିକୁ ପୋଡି ଦିଆଯାଇଥିବା ଅଭିଯୋଗ ହୋଇଛି। ଏସଂପର୍କରେ ରାମଚନ୍ଦ୍ରପୁର ଥାନା ପୁଲିସ ଘଟଣାସ୍ଥଳରେ ପହଞ୍ଚି ପୋଡ଼ା ଗାଡିକୁ ଜବତ କରିଛି। ଏହି ଘଟଣାରେ ଆହତ ରଞ୍ଜିବ ନାୟକଙ୍କୁ ସାଇକୁଳ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରାଇଥିବା ଜଣାପଡିଛି।
