କେଶଦୁରାପାଳ : ବାଡ଼ିରେ କୁକୁଡ଼ା ପଶିବାକୁ କେନ୍ଦ୍ରକରି ଦୁଇ ପରିବାର ମଧ୍ୟରେ ବଚସା ପରେ ମାରପିଟ ହୋଇଛି। ସମ୍ପର୍କୀୟ ପୁତୁରାର କୋଦାଳ ଚୋଟରେ ଦାଦା ଖୁଡି ଗୁରୁତର ଆହାତ ହୋଇ ଆନନ୍ଦପୁର ଡାକ୍ତରଖାନାରେ ଭର୍ତ୍ତି ହୋଇଥିବା ଜଣାପଡିଛି। ସୂଚନାରୁ ପ୍ରକାଶ ଘସିପୁରା ଥାନା ମିରିଗିମୁଣ୍ଡି ଗାଁର କୁଳମଣି ପରିଡାଙ୍କ କୁକୁଡ଼ା ପଡିଶା ଘର ବାଡ଼ିରେ ପଶିଯିବାରୁ ନେଇ ଉଭୟ ପରିବାର ମଧ୍ୟରେ ବଚସା ହୋଇଥିଲା।
ଆଜି ବରଜୁଙ୍କ ପୁଅ ରାଜେନ୍ଦ୍ର ଓ ତାଙ୍କ ସ୍ତ୍ରୀ ମିନୁ ଭକ୍ତ ଘଟଣା ରେ ରାଗିଯାଇ ଉଭୟ କୁଳମଣି ଓ ତାଙ୍କ ପତ୍ନୀ କୁମୁଦୁନିଙ୍କୁ ଏକ କୋଦାଳ ସାହାଯ୍ୟରେ ମରଣାନ୍ତକ ଆକ୍ରମଣ କରିଥିଲା ଏଥିରେ କୁଳମଣିଙ୍କ ପରିବାର ଉଭୟ ସ୍ୱାମୀ ଓ ସ୍ତ୍ରୀ ଲହୁଲୁହାଣ ହୋଇ ଆନନ୍ଦପୁର ଡାକ୍ତରଖାନା ରେ ଭର୍ତ୍ତି ହୋଇଛନ୍ତି। ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାପଡିଛି।
