କେଶଦୁରାପାଳ: ଘଷିପୁରା ନିର୍ବାଚନ ମଣ୍ଡଳୀ ଅନ୍ତର୍ଗତ ପୋଇଯାମଳା ଧୋବଣୀ ସାହିର ଜନଜାତି ପରିବାରର ୧୨ ବର୍ଷର ନାବାଳକ ଶୌଚ ହେବାକୁ ଯାଇ ମୋତିଲାଲ ମୁଣ୍ଡା ପୋଖରୀରେ ବୁଡିଯାଇ ତା’ର ମୃତ୍ୟୁ ଘଟିଥିଲା। ଖବର ପାଇ ସମାଜସେବୀ ତଥା ବରିଷ୍ଠ ବିଜେପି ନେତା ଡ. ଶମ୍ଭୁନାଥ ରାଉତ ସେଠାରେ ପହଞ୍ଚି ମୃତକର ପିତା ପ୍ରଧାନ ମୁଣ୍ଡା ଓ ମାତା ଦ୍ରୌପଦୀ ମୁଣ୍ଡାଙ୍କ ସହ ଶୋକସନ୍ତପ୍ତ ପରିବାରରଙ୍କୁ ସମବେଦନା ଜଣାଇଛନ୍ତି। ମୃତକର ପିତାଙ୍କଠାରୁ ସମସ୍ତ ଖବର ନେଇ ପାଟଣାରେ ହୋଇଥିବା ଶବ ବ୍ୟବଚ୍ଛେଦ ଏବଂ ଘଟଗାଁ ଥାନାର ଏଫଆଇଆର ଆଧାରରେ ସରକାରଙ୍କ ତରଫରୁ ମିଳିବାକୁଥିବା ୪ ଲକ୍ଷ ଟଙ୍କାର ଆର୍ଥିକ ଅନୁଦାନ ପାଇଁ ଘଟଗାଁ ତହସିଲ ଦ୍ଵାରା କରିବାକୁ ଥିବା ତଦନ୍ତ ହୋଇ ନଥିବାରୁ ଶ୍ରୀ ରାଉତ କ୍ଷୋଭ ପ୍ରକାଶ କରିଥିଲେ। ଏଥିସହ ସଙ୍ଗେ ସଙ୍ଗେ ତହସିଲ ଅଫିସର ଦୃଷ୍ଟି ଆକର୍ଷଣ କରିଥିଲେ। ଶୁଦ୍ଧିକ୍ରିୟା ପାଇଁ ହରିଶ୍ଚନ୍ଦ୍ର ଯୋଜନାର ସହାୟତା ପାଇଁ ସରପଞ୍ଚଙ୍କୁ ଅନୁରୋଧ କରିବାସହ ନିଜ ତରଫରୁ କିଛି ଆର୍ଥିକ ସହାୟତା ଯୋଗାଇ ଦେବାପାଇଁ ପ୍ରତିଶୃତି ପ୍ରଦାନ କରିଥିଲେ।
Comments are closed.