ବୃଦ୍ଧା ଅବସ୍ଥାରେ ଏକାକୀ ଅଭାବ ଅନଟନ ରେ ବାର ପିଣ୍ଡା ବୁଲି ଦିନ କାଟୁ ଥିବା କେନ୍ଦ୍ରାପଡା ଜିଲ୍ଲାର ମହାକାଳପଡା ବ୍ଲକର ବାରଡାଙ୍ଗ ଗ୍ରାମର ରାଧିକା ବେଓ୍ଵା କୁ ସହଯୋଗର ହାତ ବଢାଇଲା ମହାକାଳପଡା ୟୁଥ ଗ୍ରୁପ । କରୋନା ମହାମାରୀ ସମୟ କୌଣସି ସହାୟତା ନପାଇ ଅସହାୟ ଅବସ୍ଥାରେ ଥିବା ରାଧିକାଙ୍କୁ ମହାକାଳପଡା ୟୁଥ ଗ୍ରୁପ ସହଯୋଗ କରିଛି। ଏହି ସମୟରେ ଗ୍ରୁପର ଆବାହକ ପ୍ରତାପ ମହାନ୍ତି , ଉପ ସଭାପତି ବିଭୂତି ରାଉତ , ଉପଦେଷ୍ଟା ଦୀପକ ଚୌଧୁରୀଙ୍କ ତତ୍ଵାବଧାନ ମହାକାଳପଡା ୟୁଥ ଗ୍ରୁପର ସଦସ୍ୟ ମାନେ କିଛି ଟଙ୍କା ସହ ଚାଉଳ, ଚୁଡା , ବିସ୍କୁଟ , ଶାଢ଼ୀ ଓ ଅନ୍ୟାନ୍ୟ ସମାଗ୍ରୀ ରାଧିକା ବେଓ୍ଵାଙ୍କୁ ପ୍ରଦାନ କରିଥିଲେ । ବାସହରା ଓ ବେସାହାରା ରାଧିକାକୁ କିପରି ଘର ଖଣ୍ଡେ ଯୋଗେଇ ଦେଇ ତାର ରହିବାର ବନ୍ଦୋବସ୍ତ କରିହେବ ତାହା ମଧ୍ୟ ପ୍ରଶାସନର ଦୃଷ୍ଟି ଗୋଚର କରିଥିଲେ । ଏହି ଅବସରରେ ସଭାପତି ସୁନିଲ ଗନ୍ତାୟତ , ସେକ୍ରେଟାରୀ ପ୍ରତାପ ତ୍ରିପାଠୀ , ପ୍ରଭାତ ଜେନା , ବାପି ଗୋଛାୟତ , ବିଚିତ୍ର ବେହେରା , ମହେଶ୍ୱର ପାଈଟାଳ, ସମୀର ଦାସ ପ୍ରମୁଖ ଊପସ୍ଥିତ ରହି ବାସହରା ଓ ବେସାହାରା ରାଧିକାକୁ କିପରି ପ୍ରଶାସନର ସମସ୍ତ ସହଯୋଗ ମିଳିବ ସେଥିପ୍ରତି ଧ୍ୟାନ ଦେବେ ବୋଲି କହିଛନ୍ତି।
Comments are closed.