କେନ୍ଦ୍ରାପଡା : ପାରିବାରିକ କଳହ କାରଣରୁ ସ୍ତ୍ରୀକୁ ହତ୍ୟା କରିବା ପରେ ବିଷ ପିଇ ଆତ୍ମହତ୍ୟା ଉଦ୍ୟମ କରିଛି ସ୍ବାମୀ । ଏପରି ଏକ ଅଭାବନୀୟ ଘଟଣା ଦେଖିବାକୁ ମିଳିଛି କେନ୍ଦ୍ରାପଡା ସଦର ଥାନା ଗରାପୁର ଗାଁରେ । ଉକ୍ତ ଗାଁରେ ଝଜିନ୍ଦ୍ର ମଲ୍ଲିକ ଏବଂ ତାଙ୍କ ସ୍ତ୍ରୀ ଘୁଙ୍ଗୁରୀ ମଲ୍ଲିକଙ୍କ ମଧ୍ୟରେ ପରିବାରର କୌଣସି ଘଟଣାକୁ ନେଇ କଳହ ସୃଷ୍ଟି ହୋଇଥିଲା । ଧିରେ ଧିରେ ସ୍ବାମୀ-ସ୍ତ୍ରୀଙ୍କ ମଧ୍ୟରେ ପାଟିତୁଣ୍ଡ ବଢିଥିଲା । ପାଟିତୁଣ୍ଡ ଏତେ ଭୟଙ୍କର ହେଲା ଯେ ସ୍ତ୍ରୀକୁ ଏକ ଧାରୁଆ ଅସ୍ତ୍ରରେ ହାଣି ହତ୍ୟା କରିଦେଇଥିଲା ସ୍ୱାମୀ ଝଜିନ୍ଦ୍ର । ଏହାପରେ ପରେ ନିଜେ ବିଷ ପିଇ ଆତ୍ମହତ୍ୟା ଉଦ୍ୟମ କରିଥିଲେ । ଏଭଳି ଘଟଣାର ଖବର ପାଇଁ ପଡୋଶୀରେ ରହୁଥିବା ଲୋକମାନେ ପୁଲିସକୁ ଖବର ଦେଇଥିଲା ।
ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିବା ସହ ବିଷ ପିଇ ଆତ୍ମହତ୍ୟା ଉଦ୍ୟମ କରିଥିବା ସ୍ୱାମୀ ଝଜିନ୍ଦ୍ରଙ୍କୁ ଜିଲା ମୁଖ୍ୟଚିକିତ୍ସାଳୟରେ ଭର୍ତ୍ତି କରିଛନ୍ତି । ସେପଟେ ଘୁଙ୍ଗୁରିଙ୍କ ମୃତଦେହକୁ ଜବତ କରି ପୋଲିସ ଶବ ବ୍ୟବଚ୍ଛେଦ ପାଇଁ ପଠାଇଛି ।
