ଶ୍ରୀନଗର – ଜମ୍ମୁ-କାଶ୍ମୀରରେ ବଡ ଧରଣର ଆତଙ୍କବାଦୀ ଆକ୍ରମଣ ହୋଇପାରେ ବୋଲି ବିଭିନ୍ନ ଗୁଇନ୍ଦାସଂସ୍ଥା ପକ୍ଷରୁ ସୂଚନା ଦିଆଯାଇଛି । ଆତଙ୍କବାଦୀ ସଙ୍ଗଠନ ଜୈଶ ଏ ନେଇ ଯୋଜନା କରିଥିବା ଗୁଇନ୍ଦା ସଂସ୍ଥା ସୂଚନା ଦେଇଛନ୍ତି । ପାକିସ୍ତାନ ସ୍ଥିତ ଆତଙ୍କବାଦୀ ସଙ୍ଗଠନ ଜୈଶ ସ୍ଥାନୀୟ ଯୁବକଙ୍କୁ ଉଦ୍ଭ୍ରାନ୍ତ କରି କାଶ୍ମୀରରେ ଆକ୍ରମଣ ପାଇଁ ଯୋଜନା କରିଛି । ଆତଙ୍କବାଦୀ ଆକ୍ରମଣ ସହ ଗ୍ରୀନେଡ୍ ଆକ୍ରମଣ ପାଇଁ ଆତଙ୍କାବାଦୀମାନଙ୍କୁ ପ୍ରଶିକ୍ଷିତ କରାଯାଇଛି ।
ପ୍ରବାସୀ ଶ୍ରମିକ ଏବଂ ସୁରକ୍ଷା ବ୍ୟବସ୍ଥାରେ ଜଡିତ ସଂସ୍ଥା ଉପରେ ଆକ୍ରମଣ ପାଇଁ ଜୈଶ ଯୋଜନା କରିଛି । ବାରମୁଲାରେ ଆତ୍ମଘାଚୀ ଆକ୍ରମଣ ପାଇଁ ଜୈଶ ଆତଙ୍କବାଦୀ ସଙ୍ଗଠନ ପକ୍ଷରୁ ଯୋଜନା କରାଯାଇଛି । ଏବେ କାଶ୍ମୀର ଘାଟୀରେ ୫୦ରୁ ଅଧିକ ସଂକ୍ରିୟ ଆତଙ୍କବାଦୀ ଅଛନ୍ତି । ସେମାନଙ୍କ ମଧ୍ୟରେ ୨୦ରୁ-୨୫ ଜଣ ବିଦେଶୀ ଆତଙ୍କବାଦୀ ରହିଛନ୍ତି । ୩୦ରୁ୩୫ ସ୍ଥାନୀୟ ଆତଙ୍କବାଦୀ ରହିଛନ୍ତି । ସୁରକ୍ଷାବଳମାନେ ଆତଙ୍କବାଦୀ ବିରୋଧି କାର୍ଯ୍ୟାନୁଷ୍ଠାନକୁ ଜୋରଦାର କରିଛନ୍ତି ।
କାଶ୍ମୀର ପୁଲିସ ମହାନିର୍ଦ୍ଦେଶକ ଦିଲବାଗ ସିଂ ଏହି ସୂଚନା ଦେଇଛନ୍ତି । ସୀମାବାହାରୁ ଡ୍ରୋନ ସାହାଯ୍ୟରେ ଅସ୍ତ୍ରଶସ୍ତ୍ର ଚାଲାଣ ପାଇଁ ଯୋଜନା କରାଯାଇଛି । ୨୦୧୭ରେ ଆତଙ୍କବାଦୀଙ୍କ ସଂଖ୍ୟା ୩୫୦ ଥିବା ବେଳେ ଏବେ ତାହା ୫୦ରେ ପହଞ୍ଚିଛି ।
