ସମାଜ ଡିଜିଟାଲ ଡେସ୍କ: ବଲିଉଡ ଅଭିନେତ୍ରୀ କରିନା କପୁର ନିଜର ପୁସ୍ତକ ‘ପ୍ରେଗ୍ନେସି ବାଇବେଲ’ ବିବାଦ ମାମଲାରେ ହାଇକୋର୍ଟଙ୍କ ନୋଟିସର ଜବାବ ଦେଇଛନ୍ତି। ପୁସ୍ତକ ବିକ୍ରି ଉପରେ ପ୍ରତିବନ୍ଧକ ଲଗାଯାଇଥିବା ଆବେଦନ ଉପରେ ସେ ଆପତ୍ତି ଉଠାଇଛନ୍ତି। ନୋଟିସର ଜବାବ ଦେଇ କରିନା କହିଛନ୍ତି ଯେ କୌଣସି ଧାର୍ମିକ ଭାବନାକୁ ଆଘାତ ଦେବା ତାଙ୍କର ଉଦ୍ଦେଶ୍ୟ ନୁହେଁ। କରିନାଙ୍କ ଜବାବ ପରେ ଆସନ୍ତା ସପ୍ତାହରେ ମାମଲାର ପରବର୍ତ୍ତୀ ଶୁଣାଣି ହେବ। ସୂଚନା ଅନୁସାରେ କରିନାଙ୍କ ‘ପ୍ରେଗ୍ନେସି ବାଇବେଲ’ ପୁସ୍ତକ ଉନ୍ମୋଚନ ହେବା ପରେ କ୍ରିଷ୍ଟୋଫର ଆନ୍ଥୋନି ହାଇକୋର୍ଟରେ ଏକ ପିଟିସନ ଦାଖଲ କରିଥିଲେ। ପୁସ୍ତକରେ ଧାର୍ମିକ ଭାବନାକୁ ଆଘାତ ଦେଇଥିବା ଅଭିଯୋଗ କରି ମାମଲା ରୁଜୁ କରିଥିଲେ। ପୁସ୍ତକଟିରେ କରିନା କପୁର ଗର୍ଭଧାରଣ ଅନୁଭୂତି ଉପରେ ଲେଖିଛନ୍ତି। ହେଲେ ପୁସ୍ତକରେ ବାଇବେଲ ଲେଖାଯାଇଥିବାରୁ ଏହା ଧାର୍ମିକ ଭାବନାକୁ ଆଘାତ ଦେଇଥିବା କୁହାଯାଇଥିଲା।
Popular Categories
Previous article
Next article