ମୁମ୍ବଇ: ଅଭିନେତା ରଣବୀର ସିଂଙ୍କ ଜନ୍ମଦିନ ପାଳନ ଅବସରରେ କରନ ଜୋହର ତାଙ୍କର ନୂଆ ସିନେମା ସମ୍ପର୍କରେ ଘୋଷଣା କରିଛନ୍ତି । ପାଞ୍ଚବର୍ଷର ବ୍ୟବଧାନ ପରେ କରନ ଏହି ଚଳଚ୍ଚିତ୍ରରେ ନିର୍ଦ୍ଦେଶନା ଦେବେ ବୋଲି ଜଣାଯାଇଛି । ଏହାର ଶୀର୍ଷକ ରଖାଯାଇଛି “ରକି ଔର ରାନି କି ପ୍ରେମ କାହାନି’ । ଏଥିରେ ରଣବୀରଙ୍କ ସହିତ ଆଲିଆ ଭଟ୍ଟ ଅଭିନୟ କରିବେ । ସୂଚନାଯୋଗ୍ୟ ଯେ ପୂର୍ବରୁ କରନ ଜୋହର ଦର୍ଶକଙ୍କୁ ‘କୁଛ କୁଛ ହୋତା ହେ’, ‘କଭି ଖୁସି କଭି ଗମ୍’, ‘କଭି ଅଲବିଦା ନା କେହନା’ ଭଳି ତାଙ୍କ ନିର୍ଦ୍ଦେଶିତ ହିଟ୍ ଚଳଚ୍ଚିତ୍ର ଭେଟି ଦେଇସାରିଛନ୍ତି । ଏବେ ଦୀର୍ଘ ଦିନ ପରେ ପୁଣି ସେ ନିର୍ଦ୍ଦେଶକ ଭାବରେ ଆସିବେ । ୨୦୧୦ରେ ତାଙ୍କ ନିର୍ଦ୍ଦେଶିତ ଚଳଚ୍ଚିତ୍ର ‘ମାଇଁ ନେମ୍ ଇଜ ଖାନ୍’, ୨୦୧୨ରେ ‘ଷ୍ଟୁଡେଣ୍ଟ ଅଫ ଦି ଇୟର’ ଆଦି ମୁକ୍ତିଲାଭ କରିଥିଲା । ତାଙ୍କ ନିର୍ଦ୍ଦେଶିତ ଶେଷ ଚଳଚ୍ଚିତ୍ର ଥିଲା ‘ଏ ଦିଲ୍ ହେ ମୁସ୍କିଲ’ ଏବଂ ଏହା ୨୦୧୬ରେ ଦର୍ଶକଙ୍କ ସମ୍ମୁଖକୁ ଆସିଥିଲା । ସେହି ଚଳଚ୍ଚିତ୍ରରେ ରଣବୀର କପୁର, ଅନୁଷ୍କା ଶର୍ମା ଏବଂ ଐଶ୍ୱର୍ଯ୍ୟା ରାୟ ବଚନ ଅଭିନୟ କରିଥିଲେ । ସେବେଠାରୁ ସେ ଆଉ କୌଣସି ଚଳଚ୍ଚିତ୍ରରେ ନିର୍ଦ୍ଦେଶନା ଦେଇନାହାନ୍ତି ।
ନୂଆକରି ନିର୍ମାଣ ହେବାକୁ ଥିବା ‘ରକି ଔର ରାନି କି ପ୍ରେମ କାହାନି’ର କାହାଣୀ ଲେଖିଛନ୍ତି ଇଶିତା ମୋଇତ୍ର, ଶଶାଙ୍କ ଖୈତାନ ଏବଂ ସୁମିତ ରୟ । ଏହା ୨୦୨୨ରେ ଆସିବା ଯୋଜନା ରହିଛି । ଚଳଚ୍ଚିତ୍ରଟି କରନଙ୍କ ନିଜ ପ୍ରଯୋଜନା ସଂସ୍ଥା ଧର୍ମା ପ୍ରଡକ୍ସନସ୍ ବ୍ୟାନରରେ ନିର୍ମିତ ହେବ ।
ରଣବୀର ସିଂଙ୍କ ଜନ୍ମଦିନରେ କରନ ଘୋଷଣା କଲେ ନୂଆ ସିନେମା
Popular Categories
Previous article
Next article