ଯୁବତୀଙ୍କ ଫେକ ଆଇଡି ତିଆରି କଲେ ଯୁବକ, ଅଶ୍ଳୀଳ ଫଟୋକୁ ବ୍ୟବହାରସହ ଧମକ ଦେଇଥିବା ଅଭିଯୋଗରେ ଗଲେ ଜେଲ

କଣ୍ଟାବାଞ୍ଜି : କଣ୍ଟାବାଞ୍ଜି ଥାନା ଅଞ୍ଚଳର ଜଣେ ଯୁବତୀଙ୍କ ଫଟୋକୁ ଅଶ୍ଳୀଳ ଭାବେ ତିଆରି କରିବା ସହ ଫେକ ଆଇଡି କରିଥିବା ଅଭିଯୋଗରେ ଜଣେ ଯୁବକଙ୍କୁ ଜେଲ ଯିବାକୁ ପଡିଛି । ଜେଲ ଯାଇଥିବା ଯୁବକ ଜଣକ ହେଲେ ପାଟଣାଗଡର ଶେଷଦେବ  ମେହେର ।

ପୁଲିସ ଠାରୁ ମିଳିଥିବା ସୂଚନା ଅନୁସାରେ ବେଲପଡା ଅଞ୍ଚଳର ଆସି କଣ୍ଟାବାଞ୍ଜି ସହରରେ ରହୁଥିବା ଜଣେ ଯୁବତୀ ନିଜ ଫଟୋକୁ ଅଜଣା ଯୁବକ ଅଶ୍ଳୀଳ ଭାବେ ଭାବେ ତିଆରି କରିଥିବା ଜାଣିବାକୁ ପାଇଥିଲେ। ସେହି ଫଟୋ ଯୁବତୀଙ୍କ ସମ୍ପର୍କୀୟ ମାନଙ୍କୁ ପଠାଇବା ସହ ସୋସିଆଲ ମିଡିଆରେ ଫଟୋକୁ ବ୍ୟବହାର କରି ଏକ ଆଇଡି ତିଆରି କରିଥିଲା।  ସେହି ଆଇଡିରେ ଯୁବତୀଙ୍କୁ ମେସେଜ କରିବା ସହ ଧମକ ଦେଇଥିବା ଏତଲାରେ ଯୁବତୀ ଦର୍ଶାଇଛନ୍ତି । ପୁଲିସ ଏତଲାକୁ ଗ୍ରହଣ କରିବା ପରେ ପାଟଣାଗଡ ଅଞ୍ଚଳର ସହଦେବ ମେହେରକୁ ଥାନାରେ ଅଟକ ରଖି ଅଧିକ ପଚରା ଉଚରା ପରେ ସେ ଏହି ସବୁ କାମ କରିଥିବା ଜାଣିପାରିଥିଲା।

ପୁଲିସ ଆଇପିସି ଧାରା ୧୮୬୦ରେ ୨୯୨ – ଏ (ଏ) , ୫୦୬ , ଆଇଟି ଆକ୍ଟ ୨୦୦୦ ରେ ୬୭ ଏବଂ ୬୭ (ଏ) ରେ ମାମଲା ରୁଜ ପରେ କୋର୍ଟ ଚାଲାଣ କରିଛି । ତେବେ ଜାମିନ ନାମଞ୍ଜୁର ହେବାରୁ ବିଚାର ବିଭାଗୀର ହାଜତକୁ ପଠେଇ ଦିଆଯାଇଛି।