କଣ୍ଟାବାଞ୍ଜି: ଅଖିଳ ଭାରତ ଗ୍ରାମୀଣ ଡାକ ସେବକ ସଂଘ ୟୁନିଅନ ଡାକରାରେ ବଲାଙ୍ଗୀର ମଣ୍ଡଳ ନିର୍ଦେଶରେ ସିଭିଲ ସର୍ଭେଣ୍ଟ ମାନ୍ୟତା ସହ ୭ ଦଫା ଦାବି ନେଇ ଅନିର୍ଦିଷ୍ଟ କାଳ ପର୍ଯ୍ୟନ୍ତ ଧର୍ମଘଟରେ ସାମିଲ ହୋଇ ମଙ୍ଗଳବାର କଣ୍ଟାବାଞ୍ଜି ଉପ-ଡାକଘର ସମ୍ମୁଖରେ ଗ୍ରାମୀଣ ଡାକ ସେବକମାନେ ଧାରଣା ଦେଇଛନ୍ତି। କଣ୍ଟାବାଞ୍ଜି ଉପ-ଡାକଘର ସମ୍ମୁଖରେ ଏହି ଅଧୀନରେ ଗ୍ରାମାଞ୍ଚଳରେ କାର୍ଯ୍ୟ କରୁଥିବା ୮ଟି ବ୍ରାଞ୍ଚ ପୋଷ୍ଟ ଅଫିସର ୧୫ ଜଣ ବିପିଏମ ଓ ଏବିପିଏମ ଗଣ ଧାରଣାରେ ବସିଛନ୍ତି। ତେଣୁ ମଙ୍ଗଳବାର ଗ୍ରାମାଞ୍ଚଳ ଡାକସେବା ଠପ୍ ହୋଇ ଯାଇଛି। ଧାରଣାରେ ବସିଥିବା ବିପିଏମ ହେଲେ ଚାଉଳ ଶୁଖା ବ୍ରାଞ୍ଚ ପୋଷ୍ଟ ଅଫିସର ଭୋଳାନାଥ ମହାନନ୍ଦ, ଚଟୁଅନକାର ଦେବାନନ୍ଦ ବଏ, ଖଗସାର ରାଜ କୁମାର ଦାସ, ଧାମନ ଡ଼ଙ୍ଗା ଉମାଦିନୀ ତାଣ୍ଡି, ବିଛୁବାହାଳୀ ହଳଧର ସେଠ, ଖୁଜେନବାହାଲ ଦିଲିପ ମୁର୍ମୁ, ସରଗୁଲ ବିଶ୍ୱଜିତ ପାଢ଼ୀ, କୁକୁଡାହାଡ଼ ଲିଲୁରାମ ପୁଟେଲଙ୍କ ସହ ଏବିପିଏମ ମହାପୁରୁଷ ମାଝୀ, ସାଧୁ ରଣା, ସୀତାରାମ ମହାନନ୍ଦ, ଟେଲର ମାଝୀ, ଲକ୍ଷ୍ମଣ ଶବର, କିରତି ପଣ୍ଡା, ବିଘ୍ନେଶ୍ୱର ବେହେରା ପ୍ରମୁଖ ସକାଳ ୯ଟାରୁ ଅପରାହ୍ନ ୫ଟା ପର୍ଯ୍ୟନ୍ତ ଧାରଣାରେ ବସିଥିଲେ।
Comments are closed.