କଣ୍ଟାବାଞ୍ଜି : କଣ୍ଟାବାଞ୍ଜି ଥାନା କନ୍ଧବାହାଲ ଗାଁ ନିକଟରେ ଆମ୍ବୁଲାନ୍ସ ଧକ୍କାରେ ଜଣେ ଯୁବକ ଗୁରୁତର ଭାବେ ଆହତ ହୋଇଛନ୍ତି। ସୋମବାର ସକାଳୁ ବଙ୍ଗୋମୁଣ୍ଡା ବ୍ଲକ ପାତଲପଡ଼ାରୁ ଜଣେ ରୋଗୀ କଣ୍ଟାବାଞ୍ଜି ହସ୍ପିଟାଲକୁ ୧୦୮ ଆମ୍ବୁଲାନ୍ସରେ ଆସୁଥିଲେ। ଏହି ସମୟରେ କନ୍ଧବାହାଲ ଗାଁ ନିକଟରେ ଶ୍ୟାମଲାଲ ସୁନାନୀ ନାମକ ଜଣେ ପନିପରିବା ବ୍ୟବସାୟୀ କଣ୍ଟାବାଞ୍ଜି ବଜାରକୁ ଆସୁଥିବା ବେଳେ ଆମ୍ବୁଲାନ୍ସ ତାଙ୍କୁ ଧକ୍କା ଦେଇଥିଲା। ଧକ୍କା ଦେବା ପରେ ଘଟଣା ସ୍ଥଳରୁ ଫେରାର ମାରିଥିଲା ଆମ୍ବୁଲାନ୍ସ। ସ୍ଥାନୀୟ ଲୋକେ ଖବର ପାଇ ଗୁରୁତର ଅବସ୍ଥାରେ ଶ୍ୟାମଲାଲ ସୁନାନୀଙ୍କୁ ପ୍ରଥମେ କଣ୍ଟାବାଞ୍ଜି ହସ୍ପିଟାଲରେ ଭର୍ତ୍ତି କରିଥିଲେ। ପରେ ଅବସ୍ଥା ଗୁରୁତର ହେବାରୁ ତାଙ୍କୁ ବଲାଙ୍ଗୀରକୁ ସ୍ଥାନାନ୍ତର କରାଯାଇଛି। ସେପଟେ କଣ୍ଟାବାଞ୍ଜି ପୁଲିସ ଘଟଣାର ତଦନ୍ତ କରି ଆମ୍ବୁଲାନ୍ସ ଚାଳକ ତାରାକାନ୍ତ ବାଗଙ୍କୁ ଥାନାରେ ଅଟକ ରଖି ଅଧିକ ତଦନ୍ତ ଜାରି ରଖିଛି।
Comments are closed.