BSKY banner  750×100

ଝଟ୍‌କା ଦେଲେ ବୁମ୍‌ରା, ଅଶ୍ଵିନ; କଙ୍ଗାରୁ ଦଳର ବ୍ୟାଟିଂ ବିପର୍ଯ୍ୟୟ

nua o banner

ଆଡିଲେଡ୍‌: ଭାରତ-ଅଷ୍ଟ୍ରେଲିଆ ପ୍ରଥମ ଟେଷ୍ଟ ମ୍ୟାଚର ୨ୟ ଦିନ ଖେଳ ଶୁକ୍ରବାର ଜାରି ରହିଛି। ଭାରତ ପ୍ରଥମେ ବ୍ୟାଟିଂ କରି ୨୪୪ ରନ୍‌ରେ ଅଲଆଉଟ୍‌ ହୋଇଯାଇଛି। ଘରୋଇ ଦଳ ପ୍ରଥମ ଇନିଂସ ବ୍ୟାଟିଂ ଆରମ୍ଭ କରିଛି। ତେବେ ପ୍ରାରମ୍ଭରୁ ଭାରତୀୟ ଦ୍ରୁତ ବୋଲର ଯଶପ୍ରୀତ୍‌ ବୁମ୍‌ରା ଏବଂ ସ୍ପିନର ଆର. ଅଶ୍ଵିନ କଙ୍ଗାରୁ ଦଳକୁ ବଡ଼ ଝଟ୍‌କା ଦେଇଛନ୍ତି। ଏହି ଦୁଇ ଭାରତୀୟ ବୋଲରଙ୍କ ସାମ୍ନା କରି ନ ପାରି କଙ୍ଗାରୁ ଦଳ ପ୍ରାରମ୍ଭିକ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଛନ୍ତି।

୨ୟ ଦିନର ଦ୍ବିତୀୟ ସେସନ୍‌ ସୁଦ୍ଧା ଅଷ୍ଟ୍ରେଲିଆ ଏହାର ପ୍ରଥମ ଇନିଂସରେ ୪୬ ଓଭରରେ ୮୫ ରନ୍‌ ସଂଗ୍ରହ କରି ମୂଲ୍ୟବାନ୍‌ ୫ଟି ୱିକେଟ୍‌ ହରାଇଛି। ଫଳରେ ଦଳ ୧୫୯ ରନ୍‌ରେ ପଛୁଆ ରହିଛି। ବୁମ୍‌ରା ୧୩ ଓଭରରେ ୧୫ ରନ୍‌ ବିନିମୟରେ ୨ଟି ୱିକେଟ୍‌ ନେଇଥିବାବେଳେ ଅଶ୍ଵିନ ୧୦ ଓଭରରେ ୨୫ ରନ୍‌ ନେଇ ୩ଟି ୱିକେଟ ଅକ୍ତିଆର କରିଛନ୍ତି। ଅଷ୍ଟ୍ରେଲିଆର ଦୁଇ ଓପନର ମ୍ୟାଥ୍ୟୁ ୱାଡେ ଏବଂ ଜୋ ବର୍ନ୍‌ସ ୮ ରନ୍‌ ଲେଖାଏ କରିଥିବାବେଳେ ଷ୍ଟିଭ୍‌ ସ୍ମିଥ୍‌ ୧, ଟ୍ରାଭିସ୍‌ ହେଡ୍‌ ୭ ଓ କ୍ୟାମେରନ୍‌ ଗ୍ରୀନ୍‌ ୧୧ ରନ୍‌ କରି ଆଉଟ ହୋଇଛନ୍ତି।

ମାର୍ନସ ଲାବୁସ୍‌ଚେଞ୍ଜ ୪୫ ଏବଂ ୱିକେଟ୍‌ ରକ୍ଷକ ଅଧିନାୟକ ଟିମ୍‌ ପେନ୍‌ ୫ ରନ୍‌ କରି ଅପରାଜିତ ରହିଛନ୍ତି।

Comments are closed.