କଲ୍ୟାଣସିଂହପୁର: ରାୟଗଡା ଜିଲା କଲ୍ୟାଣସିଂହପୁର ବ୍ଲକରେ ଜଳାଭିଷେକ ପାଇଁ ଆସୁଥିବା ବୋଲବମ ଭକ୍ତଙ୍କୁ ଦୁର୍ଗାମନ୍ଦିର କମିଟି ପକ୍ଷରୁ ଜଳଖିଆ ବଣ୍ଟନ କରାଯାଇଛି। ବହୁ ଦୂର ଦୂରାନ୍ତରୁ ଆସୁଥିବା ବୋଲବମ୍ ଭକ୍ତମାନେ ଦେବଗିରିରେ ଜଳାଭିଷେକ କରି ଖାଲି ସେମିତି ଫେରିଯାଉଥିବା ଦେଖି ଦୁର୍ଗା ମନ୍ଦିର କମିଟିର କିଛି ସଦସ୍ୟ ଏକତ୍ରିତ ହୋଇ ଆଲୋଚନା କରିବା ପରେ ଜଳାଭିଷେକ କରିବା ପାଇଁ ଆସୁଥିବା ଭକ୍ତଙ୍କ ନିମନ୍ତେ ମାଗଣାରେ ଜଳଖିଆ ବ୍ୟବସ୍ଥା କରିଛନ୍ତି। ସୋମବାର ପ୍ରାୟ ୭ ହଜାରରୁ ଊର୍ଦ୍ଧ୍ବ ଭକ୍ତଙ୍କ ପାଇଁ ଜଳଖିଆ ତିଆରି କରି ଦିଆଯାଇଥିଲା। ଏଥିରେ ସୁରେଶ କୁମାର ପାଢୀ, ଅରବିନ୍ଦ ପଟ୍ଟନାୟକ, ନରସିଂହ ନାଥ ମହାପାତ୍ର, ଚନ୍ଦନ କୁମାର ଖାଡଙ୍ଗା, କାଳିଆ ମୁଣ୍ଡଛେନା, ଦେବେନ୍ଦ୍ର ପ୍ରଧାନୀ, ସୋମନାଥ ମିଶ୍ର ଓ କମିଟିର ସଦସ୍ୟମାନେ ସହଯୋଗ କରିଥିଲେ। ଦେବଗିରିକୁ ଆନ୍ଧ୍ର, ଓଡ଼ିଶା ଓ ଅନ୍ୟ ରାଜ୍ୟର ପୁରୁଷ ଓ ମହିଳା ଶିବ ଭକ୍ତମାନେ ଆସି ଜଳାଭିଷେକ କରିଛନ୍ତି।
Popular Categories
Previous article
Next article