କଲ୍ୟାଣସିଂହପୁର : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକରେ ଥିବା ଐତିହାସିକ ପ୍ରସିଦ୍ଧ ଦେବଗିରି ପାହାଡରେ ସ୍ବଟିକ ପଞ୍ଚମୁଖୀରେ ଜଳାଭିଷେକ କରିବା ପାଇଁ ପବିତ୍ର ଶ୍ରାବଣମାସର ତୃତୀୟ ସୋମବାରରେ ଭକ୍ତଙ୍କ ଭିଡ଼ ଲାଗି ରହିଥିବା ଦେଖିବାକୁ ମିଳିଛି । ଦୂର ଦୁରନ୍ତାରୁ ଭକ୍ତ ମାନେ ରବିବାର ଦିନ ଆସି କଲ୍ୟାଣସିଂହପୁର ଦେବଗିରି ଧାମ ବା କ୍ରାନ୍ତିକାରୀ ଆଶ୍ରମରେ ବିଶ୍ରାମ କରି ଭୋରରୁ ଉଠି ନିକଟସ୍ଥ ନାଳ ବା ନାଗାବଳୀ ,କଲ୍ୟାଣି ଓ ନାଳର ସଂଗମ ସ୍ଥଳରେ ରୀତିନୀତି ଅନୁଯାୟୀ ପୂଜାର୍ଚ୍ଚନା କରି ପାଣି ଭାର ନେଇ ଶିବଙ୍କ ମସ୍ତକରେ ଜଳାଭିଷେକ କରିଥିଲେ ।ଏହି ଅବସରରେ ସ୍ଥାନୀୟ ଯୁବ ଗୋଷ୍ଠି ତରଫରୁ ଜଗନ୍ନାଥ ମନ୍ଦିର ନିକଟରେ ଭକ୍ତଙ୍କୁ ପ୍ରସାଦ ବଣ୍ଟନ କରିଥିଲେ । ପ୍ରାୟ ୧ ହଜାର ବୋଲବମ ଭକ୍ତ ପ୍ରସାଦ ସେବନ କରିଥିଲେ ।ଏହି ସୋମବାରରେ ମଧ୍ୟ କଳାହାଣ୍ଡି, ବରଗଡ଼, ଜଗତସିଂହପୁର, କଟକ, ବ୍ରହ୍ମପୁର, ଗଜପତି, କୋରାପୁଟ,ସମ୍ବଲପୁର ,କେନ୍ଦୁଝର ,ରାୟଗଡା ଜିଲ୍ଲାର ଭକ୍ତ ମାନେ ଆସି ଶିବଙ୍କ ମସ୍ତକରେ ଜଳଲାଗି କରିଥିଲେ।
Comments are closed.