କଳାପଥର(ବାଙ୍କୀ) : ବୈଦ୍ୟେଶ୍ୱର ଥାନା ଅନ୍ତର୍ଗତ କଳାପଥର ଠାରେ ଥିବା ଆଞ୍ଚଳିକ କଲେଜରୁ ଗତ ରାତିରେ କଲେଜ ଘର ଭାଙ୍ଗି କେହି ସମସ୍ତ ସିଲିଂ ଫ୍ୟାନ, ଷ୍ଟାଣ୍ଡ ଫ୍ୟାନ, ଆକୁଗାର୍ଡ, ଟେବୁଲ୍, ସମସ୍ତ ବିଦ୍ୟୁତ ବଲ, ସିସି କ୍ୟାମେରା ସହିତ ଅନେକ ଆସବାବ ପତ୍ର ଚୋରି କରି ନେଇଥିବା ସ୍ଥାନୀୟ ଥାନାରେ ଏତଲା ଦିଆଯାଇଛି।
କାର୍ଯ୍ୟନିର୍ବାହୀ କଲେଜ ଅଧ୍ୟକ୍ଷ ସୁନନ୍ଦ୍ ଛାଟୋଇଙ୍କ ଏତଲା ଆଧାରରେ ବୈଦ୍ୟେଶ୍ୱର ପୋଲିସ ଘଟଣାର ତଦନ୍ତ ଆରମ୍ଭ କରିଛି। ତେବେ ରାତ୍ର ଜଗୁଆଳି ଥିବା ବେଳେ କିପରି କଲେଜ କବାଟ ଝରକା ଭାଙ୍ଗି ବିଭିନ୍ନ ଉପକରଣ ଚୋରୀ ହୋଇଗଲା ସେଥିନେଇ ବିସ୍ମୟ ସୃଷ୍ଟି କରିଛି। ଆଜି ବୈଦ୍ୟେଶ୍ୱର ପୁଲିସ ରାତ୍ର ଜଗୁଆଳି ପରମାନନ୍ଦ ପ୍ରଧାନକୁ ଥାନାକୁ ଡ଼ାକିନେଇ ଅଟକ ରଖିଛି।
