କଲମପୁର : କରୋନା ଭୁତାଣୁ ସଂକ୍ରମଣ ନେଇ ଜାରି ରହିଛି ଲକ ଡାଉନ। ଦିଲ୍ଲୀ ଠାରୁ ପଲ୍ଲୀ ସମସ୍ତେ ଲକ ଡାଉନ ଦ୍ୱାରା ପ୍ରଭାବିତ ହେଉଛନ୍ତି। ଏଥିପାଇଁ ଦୋକାନ ବଜାର ସବୁ ବନ୍ଦ ରହିଛି। କିନ୍ତୁ ଏପରି ସ୍ଥଳେ ମଦର ପ୍ରଭାବ ବୃଦ୍ଧି ପାଇବା ସାଧାରଣରେ ଲକ ଡାଉନର କାର୍ଯ୍ୟକାରୀ ନେଇ ପ୍ରଶ୍ନବାଚୀ ସୃଷ୍ଟି ହେଉଛି।
ସୂଚନା ମୁତାବକ ବିଭିନ୍ନ ସ୍ଥାନରେ ଚଢାଉ ହେବା ଦ୍ୱାରା ବହୁ ସ୍ଥାନରୁ ମଦ ଜବତ କରାଯାଉଛି। ସୋମବାର ଥୁଆମୂଳ ରାମପୁର ପୁଲିସ ଥାନ ତରଫରୁ ଏଭଳି ଚଢାଉ ହେବା ଦ୍ୱାରା ଜନୈକ ବ୍ୟକ୍ତିଙ୍କ ଠାରୁ ୫୦ ଲିଟର ମଦ ଜବତ ହେବା ଓ ବେଆଇନ ମଦ କାରବାର ଅଭିଯୋଗରେ ସମ୍ପୃକ୍ତ ବ୍ୟକ୍ତିଙ୍କୁ ପୁଲିସ ଗିରଫ କରିବା ଭଳି ଘଟଣା ଏବେ ଅଂଚଳରେ ଆଲୋଡନ ସୃଷ୍ଟି କରିଛି।
ଲକ ଡାଉନ ଘୋଷଣା ହେବା ପରେ ବିଭିନ୍ନ ସରକାରୀ ସ୍ୱୀକୃତୀ ପ୍ରାପ୍ତ ଦେଶୀ ମଦ ଭାଟି, ବିଦେଶୀ ମଦ ଦୋକାନ ସବୁ ବନ୍ଦ କରାଯାଇଛି। କିନ୍ତୁ ଅନେକ ସ୍ଥାନରେ ମଦର ପ୍ରଭାବ ବୃଦ୍ଧି ପାଉଛି। ସମଗ୍ର କଳାହାଣ୍ଡିର ପ୍ରତ୍ୟେକ ଗାଁରେ ବେଆଇନ ମଦ କାରବାର ବୃଦ୍ଧି ପାଉଛି। ଲୋକେ ମଦ ପିଇ ବେଫିକର ଭାବେ ବୁଲୁଛନ୍ତି। କଳାହାଣ୍ଡି ଜିଲାର ଥୁଆମୂଳ ରାମପୁର ଭଳି ଆଦିବାସୀ ବହୁଳ ବ୍ଲକରେ ଖୁଲମ ଖୁଲା ମଦ କାରବାର ହେଉଥିବା ଅଭିଯୋଗ ହେଇଥିଲା। ଏହି ଅଭିଯୋଗ ପରେ ଥୁଆମୁଲ ରାମପୁର ପୁଲିସ ଥାନା ତରଫରୁ ଏ,ଏସ.ଆଇ ପିତବାସ ଧାରୁଆଙ୍କ ନେତୃତ୍ୱରେ ଏକ ସ୍ୱତନ୍ତ୍ର ପୁଲିସ ଦଳ ବିଭିନ୍ନ ସ୍ଥାନ ଯାଂଚ କରିଥିଲେ। ଏହି ସମୟରେ ଢୋଲପାସ ଗ୍ରାମର ୫୫ ବର୍ଷୀୟ ବ୍ୟକ୍ତି ନରେନ୍ଦ୍ର ନାଏକ ବେଆଇନ ମଦ କାରବାର କରୁଥିବା ସୂଚନା ପାଇ ଚଢାଉ କରିଥିଲେ। ଏହି ଚଢାଉ ସମୟରେ ନରେନ୍ଦ୍ର ପଲଥିନ ସବୁରେ ଗଚ୍ଛିତ ରଖିଥିବା ୫୦ ଲିଟର ଦେଶୀ ମଦ ଜବତ କରିଥିଲେ। ଏନେଇ ଥୁଆମୂଲ ରାମପୁର ଥାନା ଏକ ମାମଲା ରୁଜୁ କରିବା ସହ ନରେନ୍ଦ୍ରକୁ ଅଟକ ରଖି ଘଟଣାର ତଦନ୍ତ ଜାରି ରଖିଛନ୍ତି।
