ମଦ୍ୟପ ସ୍ୱାମୀର ମାଡରେ ସ୍ତ୍ରୀ ଗୁରୁତର

କଲମପୁର : ସୋମବାର ବିଳମ୍ବିତ ରାତିରେ ଘଟିଛି ଏକ ଅଘଟଣ। ଜନୈକ ମଦ୍ୟପ ସ୍ୱାମୀର ମାଡରେ ସ୍ତ୍ରୀ ଗୁରୁତର ଆହତ ହୋଇଛନ୍ତି। ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରାଯାଇ କଲମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ସମ୍ପର୍କିୟ ଭର୍ତି କରିଛନ୍ତି।।
ସୁଚନା ଅନୁସାରେ ଚୁରାଗାଁର ବୈଲୋଚନ ବିଶ୍ୱାଳ ଗତ ୪ ବର୍ଷ ତଳେ ଥୁଆମୁଳ ରାମପୁର ବ୍ଲକ ଅଧିନସ୍ଥ ଗୁଣପୁର ଗ୍ରାମର ସୁଭାସିନୀଙ୍କୁ ବିବାହ କରିଥିଲେ। ବର୍ତମାନ ତାଙ୍କର ଏକ ଦେଢ ବର୍ଷର ଶିଶୁ କନ୍ୟା ରହିଛି। ସୋମବାର ବିଳମ୍ବିତ ରାତିରେ ବୈଲୋଚନ ମଦ ପିଇ ଅନ୍ୟ କିଛି ଲୋକଙ୍କ ସହ ଗଣ୍ଡଗୋଳ କରିଥିଲା। କୌଣସି ମତେ ଘରକୁ ଫେରିଥିଲା। ସ୍ତ୍ରୀ ଖାଇବାକୁ ଦେବା ପରେ ଖାଦ୍ୟକୁ ଫିଙ୍ଗି ଦେଇଥିଲା। ଏହି ଘଟଣାକୁ ନେଇ ଉଭୟଙ୍କ ମଧ୍ୟରେ ବଚସା ହେବାପରେ ବୈଲୋଚନ ଏକ ଇଟା ଖଣ୍ଡରେ ସ୍ତ୍ରୀ ସୁଭାସିନୀର ମୁଣ୍ଡ ଉପରେ ପ୍ରହାର କରିଥିଲା। ଏହାପରେ ସୁଭାସିନୀ ର ମୁଣ୍ଡ ଫାଟି ଯିବାରୁ ଚେତା ହରାଇ ପଡିଥିଲା। କିଛି ଲୋକ ତାକୁ ଉଦ୍ଧାର କରି ଆମ୍ବୁଲ।ନ୍ସ ଯୋଗେ କଲମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରିଥିଲେ। ମୁଣ୍ଡ ଫାଟିବା ଯୋଗୁଁ ଷ୍ଟିଚ ପଡିଥିବା ବେଳେ ବର୍ତମାନ ଚିକିତ୍ସା ଜାରି ରହିଛି। ଏନେଇ କଲମପୁର ପୁଲିସ ଫାଣ୍ଡିକୁ ମଧ୍ୟ ସୁଚନା ଦିଆଯାଇଛି। ମଦ ପିଇବା ପରେ ଅନେକ ସମୟରେ ଘରେ ଗଣ୍ଡଗୋଳ ହେଇଥାଏ ବୋଲି କହିଛନ୍ତି ପୀଡିତା ସୁଭାସିନୀ। ଅନ୍ୟପଟେ ବିବାହ ପର ଠାରୁ ବୈଲୋଚନ ମଦ ପିଉଥିବାରୁ ଘରୋଇ ଅଶାନ୍ତି ଲାଗି ରହୁଥିବା କହିଛନ୍ତି ବୈଲୋଚନଙ୍କ ବାପା। ଏଘଟଣା ସମ୍ବନ୍ଧରେ କୌଣସି ଲିଖିତ ଅଭିଯୋଗ ହେ।ଇନାହିଁ। କିନ୍ତୁ ଗତକାଲି ବିଳମ୍ବିତ ରାତିରେ ଏଭଳି ଘଟଣା ସମ୍ବନ୍ଧରେ ସୁଚନା ପାଇ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ପହଂଚି ପୀଡିତାର ଅବସ୍ଥା ଦେଖିଥିବା ସ୍ୱୀକାର କରିଛନ୍ତି କଲମପୁର ପୁଲିସ ଫାଣ୍ଡି ଅଧିକାରୀ ଡୋଳାମଣି ବିଶି।