ପାଟଣା : ଆଜି ଜେଏସଡବ୍ଲୁ ପ୍ରତିରୋଧ ମଞ୍ଚର ଏକ ସାଧାରଣ ସଭା ଯମୁନା ପଶି ହାଟ ପଡିଆଠାରେ ଅନୁଷ୍ଠିତ ହୋଇଯାଇଛି l ମଞ୍ଚର ସଭାପତି ଘନଶ୍ୟାମ ମହାନ୍ତଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଭାରେ ଜେଏସଡବ୍ଲୁ କମ୍ପାନୀ ଅଧିଗ୍ରହଣ କରିବାକୁ ଯାଉଥିବା ୧୮ ଟି ଗ୍ରାମର ଶତାଧିକ କର୍ମୀ ସମବେତ ହୋଇଥିଲେ । ଏହି ସଭାରେ ପ୍ରତିରୋଧ ମଞ୍ଚର ଉପଦେଷ୍ଟା ତଥା ଅଲ ଇଣ୍ଡିଆ କିସାନ କ୍ଷେତ ମଜ଼ଦୂର ସଂଗଠନର ରାଜ୍ୟ ସମ୍ପାଦକ କମ୍ରେଡ଼ ରଘୁନାଥ ଦାସ ଯୋଗଦେଇ ତାଙ୍କ ଆଲୋଚନା ପ୍ରସଙ୍ଗରେ ଚାଷ ଜମିରେ କାରଖାନା ପ୍ରତିଷ୍ଠା କରିବା ଆଦୌ ବିଧେୟ ନୁହେଁ ବୋଲି କହିବା ସଂଗେ ସଂଗେ ଚାଷୀ, ମହିଳା, ଶିଶୁ, ଯୁବକ, ଯୁବତୀ, ବୃଦ୍ଧ ବୃଦ୍ଧା ନାହିଁ ନଥିବା ଅସୁବିଧାର ସମ୍ମୁଖୀନ ହେବେ ବୋଲି ବିଭିନ୍ନ ଦିଗରୁ ଆଲୋଚନା କରିଥିଲେ । ସେ ତାଙ୍କ ଆଲୋଚନାରେ ଜେଏସଡବ୍ଲୁ ସହ ହୋଇଥିବା ବୁଝାମଣା ପତ୍ରକୁ ରଦ୍ଦ କରିବା ପାଇଁ ଦାବି କରିଛନ୍ତି । ଏହି ସଭାରେ ଅନ୍ୟମାନଙ୍କ ମଧ୍ୟରେ ସମ୍ପାଦକ ବେଣୁଧର ସର୍ଦ୍ଦାର, ଉପସଭାପତି ଯଥାକ୍ରମେ ଅଚ୍ୟୁତାନନ୍ଦ ନାଏକ, ସୋରଜ କୁମାର ସିଂ, ପ୍ରକାଶ ମଲ୍ଲିକ ଓ ରବୀନ୍ଦ୍ର କୁମାର ମହାନ୍ତ ମଧ୍ୟ ସେମାନଙ୍କ ବକ୍ତବ୍ୟରେ ରକ୍ତ ଦେବୁ ପଛେ ଭିଟାମାଟି ଛାଡ଼ିବୁ ନାହିଁ ବୋଲି ଦୃଢ ସଂକଳ୍ପ ବ୍ୟକ୍ତ କରିଛନ୍ତି ।
Comments are closed.