ଯୋଡା :ଯୋଡା ବ୍ଲକ ବାମେବାରୀ ଥାନା ଅନ୍ତର୍ଗତ ଟାଟା କମ୍ପାନୀର ଖଣ୍ଡବନ୍ଧ ଖଣିର ନବୀକରଣ କାର୍ୟ୍ୟରେ ନିୟୋଜିତ ଟିପିଏଲ ଠିକା ସଂସ୍ଥାର ଶ୍ରମିକଙ୍କ ପରିବହନ ନିମନ୍ତେ ଅବସ୍ଥାପିତ ବସ୍ ନମ୍ବର ଓଡି ୦୫ ଭି ୬୪୦୫ ଭାରସାମ୍ୟ ହରାଇ ଏକ ଗଛରେ ପିଟି ହୋଇଯାଇଥିଲା। ଏହି ଦୁର୍ଘଟଣାରେ ୨୫ରୁ ଉର୍ଦ୍ଧ ଶ୍ରମିକ ଆହତ ହୋଇଥିବାର ଖବର ମିଳିଥିବା ସମୟରେ ଏମାନଙ୍କ ମଧ୍ୟରୁ ୫ ଜଣ ଗୁରୁତର ରୂପେ ଆହତ ହୋଇ ସ୍ଥାନୀୟ ଟାଟା ଷ୍ଟିଲ୍ ଚିକିତ୍ସାଳୟରେ ଚିକିତ୍ସିତ ହେଉଥିବାର ଜଣାପଡିଛି। କ୍ଷମତା ଠାରୁ ଅଧିକ ଶ୍ରମିକ ବୋଝେଇ କରି ନଟରାଜ ନାମକ ସମ୍ପୃକ୍ତ ବସ୍ ଯୋଡା ରୁ ଖଣ୍ଡବନ୍ଧ ଖଣି ଅଭିମୁଖେ ଯାଉଥିବା ସମୟରେ ଏହି ଦୁର୍ଘଟଣା ଘଟିଥବା ଜଣାପଡିଛି। ଏଠାରେ ସୂଚନାଯୋଗ୍ୟ ଗତ ଫେବୃଆରୀ ମାସ ୧୨ ତାରିଖ ଦିନ ସମ୍ପୃକ୍ତ ଠିକା ସଂସ୍ଥାର ଖଣ୍ଡବନ୍ଧ ନିକଟରେ ସମାନ କାରଣରୁ ବସ୍ ଦୁର୍ଘଟଣାଗ୍ରସ୍ଥ ହୋଇଥିଲା ଏବଂ ଏହି ଦୁର୍ଘଟଣାରେ ୩୦ରୁ ଉର୍ଦ୍ଧ ଶ୍ରମିକ ଆହତ ହୋଇଥିଲେ ମଧ୍ୟ ଠିକା ସଂସ୍ଥା କର୍ତ୍ତୁପକ୍ଷଙ୍କ ଏନେଇ ଚେତା ପଶୁ ନଥିବାର ଅଭିଯୋଗ ହୋଇଛି।
Comments are closed.