ଭୁବନେଶ୍ଵର: ରାଜ୍ୟର ତୃତୀୟ ପର୍ଯ୍ୟାୟ ନିର୍ବାଚନ ପାଇଁ ପ୍ରଚାରର ଶେଷ ଦିନରେ ବିଜେଡିକୁ ଲାଗିଛି ଶକ୍ତ ଝଟ୍କା। ଗୁରୁବାର ସମସ୍ତଙ୍କୁ ଚମକାଇ ଅପ୍ରତ୍ୟାଶିତ ଢଙ୍ଗରେ ବିଜେପିରେ ସାମିଲ ହୋଇଛନ୍ତି ଖୋର୍ଦ୍ଧା ବିଧାୟକ ଜ୍ୟୋତିରିନ୍ଦ୍ର ନାଥ ମିତ୍ର ଓରଫ୍ ଜିତୁ ମିତ୍ର। ଆଜି ଖୋର୍ଦ୍ଧା ଗୋଶାଳା ପଡ଼ିଆରୁ ବାହାରିଥିଲା ବିଜେପି ରାଲି। ବିଜେପିର ଖୋର୍ଦ୍ଧା ବିଧାୟକ ପ୍ରାର୍ଥୀ ପ୍ରଶାନ୍ତ ଜଗଦ୍ଦେବ ଓ ଭୁବନେଶ୍ଵର ସାଂସଦ ପ୍ରାର୍ଥୀ ଅପରାଜିତା ଷଡ଼ଙ୍ଗୀ ରାଲି କରୁଥିବା ସମୟରେ ହଠାତ୍ ଏଥିରେ ସାମିଲ ହୋଇ ବିଜେପି ପାଇଁ ପ୍ରଚାର କରିଥିଲେ ବିଜେଡି ବିଧାୟକ ଜିତୁ ମିତ୍ର। ଏହାକୁ ନେଇ ରାଜ୍ୟ ରାଜନୀତିରେ ଏବେ ଚର୍ଚ୍ଚା ଜୋର ଧରିଛି।
ସୂଚନାଯୋଗ୍ୟ, ଚଳିତ ନିର୍ବାଚନରେ ବିଜୁ ଜନତା ଦଳରୁ ଟିକେଟ୍ ନ ପାଇବାକୁ ନେଇ ଦଳ ଉପରେ ଅସନ୍ତୁଷ୍ଟ ଥିଲେ ଜିତୁ ମିତ୍ର।
