ଶ୍ରୀନଗର : ଜାମ୍ମୁ-କାଶ୍ମୀରର କୁଲଗାଓଁ ଜିଲାରେ ମଙ୍ଗଳବାର ନିରାପତ୍ତାରକ୍ଷୀଙ୍କ ସହ ଗୁଳି ବିନିମୟରେ ୩ ଜଣ ଆତଙ୍କବାଦୀ ପ୍ରାଣ ହରାଇଛନ୍ତି। ମୃତକଙ୍କ ମଧ୍ୟରେ ଲସ୍କର-ଇ-ତୋଇବାର ତୁଙ୍ଗ କମାଣ୍ଡର ବସିତ୍ ଦର୍ ସାମିଲ ଥିବା ଜଣାପଡିଛି। ଗୁଲଗାଓଁ ଜିଲାର ରେଦୱାନି ଗ୍ରାମରେ କେତେକ ଆତଙ୍କବାଦୀ ଲୁଚିଥିବା ଗୁଇନ୍ଦା ସୂଚନା ମିଳିବା ପରେ ନିରାପତ୍ତାରକ୍ଷୀମାନେ ସୋମବାର ରାତିରେ ଉକ୍ତ ଗ୍ରାମକୁ ଘେରାଉ କରି ତଲାସି ଅଭିଯାନ ଜାରି ରଖିଥିଲେ। ମଙ୍ଗଳବାର ସକାଳେ ଆତଙ୍କବାଦୀଙ୍କ ତରଫରୁ ପ୍ରଥମେ ଗୁଳିଚାଳନା ହେବାପରେ ଯବାନଙ୍କ ପକ୍ଷରୁ ପାଲଟା କାର୍ଯ୍ୟାନୁଷ୍ଠାନ ଆରମ୍ଭ ହୋଇଥିଲା। ଫଳରେ ଆତଙ୍କବାଦୀମାନେ ଲୁଚିଥିବା ଘରେ ନିଆଁ ଲାଗିଯିବାରୁ ସେମାନେ ପ୍ରାଣ ହରାଇଥିବା ଜଣାପଡିଛି। ଘଟଣାସ୍ଥଳରୁ ୩ ଆତଙ୍କବାଦୀଙ୍କ ମୃତଦେହ ଉଦ୍ଧାର କରାଯାଇଥିବାବେଳେ ଅଭିଯାନ ଜାରି ରହିଛି। ସୂଚନାଯୋଗ୍ୟ ଜାମ୍ମୁ-କାଶ୍ମୀର ପୁଲିସ ଦ୍ବାରା ବସିତ୍ ‘ଏ’ କ୍ୟାଟେଗୋରୀ ଆତଙ୍କବାଦୀ ଘୋଷିତ ହୋଇଥିବାବେଳେ ତାକୁ ଧରାଇଦେଲେ ୧୦ ଲକ୍ଷ ଟଙ୍କା ପୁରସ୍କାର ପ୍ରଦାନ କରାଯିବ ବୋଲି ସରକାର ଘୋଷଣା କରିଥିଲେ।
Comments are closed.