ଯାଜପୁର: କୁସୁମାରେ ନିର୍ମାଣ ହୋଇଥିବା ବିଳାସପୂର୍ଣ୍ଣ ବଙ୍ଗଳାକୁ ନେଇ ଯାଜପୁର ଜିଲ୍ଲାପାଳଙ୍କ ବଡ ବୟାନ । ନିର୍ମାଣ ହୋଇଥିବା ବଙ୍ଗଳା ବେଆଇନ ବୋଲି ଜିଲ୍ଲାପାଳ କହିଛନ୍ତି । ତୁରନ୍ତ ଏହାର ପରିଚାଳନା ନେଇ ପ୍ରଶାସନ ପକ୍ଷରୁ ରୂପରେଖ ପ୍ରସ୍ତୁତ କରାଯିବ ବୋଲି ସେ ସୂଚନା ଦେଇଛନ୍ତି । ସୂଚନା ଅନୁସାରେ କୁସୁମାରେ ଥିବା ଏହି ବଙ୍ଗଳାକୁ ନେଇ ସ୍ପଷ୍ଟିକରଣ ରଖିଛି ପୌରପାଳିକା । ସାମ୍ବାଦିକ ସମ୍ମିଳନୀରେ ପୌରପାଳିକା କର୍ତ୍ତୃପକ୍ଷ କହିଛନ୍ତି ଯେ କୁସୁମା ପାର୍ଶ୍ବରେ ଥିବା ୯ଟି ବଙ୍ଗଳା କ୍ରୀଡା ବିଭାଗ ଅଧୀନରେ ରହିଛି । ଭିତ୍ତିଭୂମିର ଉନ୍ନତି ପାଇଁ ପର୍ଯ୍ୟାୟକ୍ରମେ ୨ଏକର ୪୧ ଡିସିମିଲ୍ ଜାଗା ରାଜ୍ୟ ସରକାରଙ୍କ କ୍ରୀଡା ଓ ଯୁବ ବ୍ୟାପାର ବିଭାଗକୁ ପ୍ରଦାନ କରାଯାଇଥିଲା । ସେହି ଜମିରେ ସୁଇମିଂ ପୁଲ ଓ ସ୍ପୋର୍ଟ୍ସ କଂପ୍ଲେକ୍ସ ସହ ୯ଟି ସ୍ପୋର୍ଟ୍ସ ବଙ୍ଗଳା ନିର୍ମାଣ କରାଯାଇଛି । ପୌରପାଳିକା କେବଳ ଜମି ଯୋଗାଇ ଦେଇଛି, କୌଣସି ଆର୍ଥିକ ସହାୟତା ଦିଆଯାଇନାହିଁ । ପୌରପାଳିକାର ସ୍ପଷ୍ଟୀକରଣ ପରେ ଜିଲ୍ଲା ପ୍ରଶାସନ ମଧ୍ୟ ସ୍ପଷ୍ଟୀକରଣ ଦେଇଛି । ପ୍ରଶାସନ କହିଛି ଯେ କ୍ରୀଡା ବିଭାଗ ପକ୍ଷରୁ ବଙ୍ଗଳା ପାଇଁ ଟଙ୍କାଟିଏ ବି ଖର୍ଚ୍ଚ କରାଯାଇନାହିଁ ।
Popular Categories
Previous article
Next article