ନୂଆଦିଲ୍ଲୀ : ଅନେକ ଲୋକ ନିଜ ପରିବାର ଚଳାଇବା ପାଇଁ ଏକାଧିକ କାମ କରିଥାନ୍ତି । ଅଧିକ କିଛି ପଇସା ରୋଜଗାର ପାଇଁ ସମୟ ବାହାର କରି ଅନ୍ୟ କିଛି କାମ କରିଥାନ୍ତି ଆଜିକାଲିର ଯୁବପିଢି । ଏବେ ଏମିତି ଏକ ମାମଲା ସାମ୍ନାକୁ ଆସିଛି । ବେଙ୍ଗାଲୁରୁରେ ଜଣେ ଆଇଟି କର୍ମଚାରୀ ଫାଙ୍କା ସମୟରେ ଅଟୋରିକ୍ସା ଚଳାଉଥିବାର ଫଟୋ ଏବେ ଭାଇରାଲ ହେବାରେ ଲାଗିଛି ।
Met a 35 year old staff software engineer at Microsoft in Kormangala driving Namma Yatri to combat loneliness on weekends pic.twitter.com/yesKDM9v2j
— Venkatesh Gupta (@venkyHQ) July 21, 2024
ବେଙ୍ଗାଲୁରୁର ଏକ କମ୍ପାନୀରେ କାମ କରୁଥିବା ଭେଙ୍କଟେଶ୍ ଗୁପ୍ତା ନିଜ ଏକ୍ସ ଆକାଉଣ୍ଟରେ ଏକ ପୋଷ୍ଟ ସେୟାର କରିଛନ୍ତି । ଏଥିରେ ସେ ଲେଖିଛନ୍ତି କି ୩୫ ବର୍ଷୀୟ ସଫ୍ଟଓ୍ବେୟାର ଇଞ୍ଜିନିୟର କୋରମଙ୍ଗଲରେ ନମ୍ମା ଅଟୋ ରିକ୍ସା ଚଳାଉଛନ୍ତି । ଏହି ଇଞ୍ଜିନିୟର ମାଇକ୍ରୋସଫ୍ଟର ହୁଡି ପିନ୍ଧିଥିଲେ । ପରେ ଜଣାପଡିଲା କି ସେ ମାଇକ୍ରୋସଫ୍ଟର କର୍ମଚାରୀ । ତେବେ ପଚାରି ବୁଝି ଭେଙ୍କଟେଶ ଜାଣିପାରିଲେ କି ଯୁବକ ଜଣକ ଅଫିସରୁ ଫେରି ଘରେ ଏକା ବୋର୍ ହୁଅନ୍ତି । ତେଣୁ କିଛି ପଇସା ଆୟ କରିବା ପାଇଁ ସେ ଏହି ଉପାୟ ଆପଣାଇଛନ୍ତି । ଫଟୋଟି ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି । ସମସ୍ତେ ଏହାକୁ ପସନ୍ଦ କରିବା ସହ ସେୟାର କରୁଛନ୍ତି । କିଛି ୟୁଜର ପ୍ରତିକ୍ରିୟା ରଖି ସେହି ଯୁବକଙ୍କୁ ସମର୍ଥନ ମଧ୍ୟ କରୁଛନ୍ତି ।
ଅଗ୍ନିକାଣ୍ଡ ଯୋଗୁଁ କ୍ଷତିଗ୍ରସ୍ତ ହେଲା ଯୁଦ୍ଧ ଜାହାଜ ଆଇଏନଏସ୍ ବ୍ରହ୍ମପୁତ୍ର
