କାନପୁର .- ବିଷପାନ କରିଥିବା ଆଇପିଏସ୍ ଅଧିକାରୀଙ୍କର ଚିକିତ୍ସାଧିନ ଅବସ୍ଥାରେ ମୃତ୍ୟୁ ହୋଇଛି । ରବିବାର ମଧ୍ୟାହ୍ନ ୧୨ଟା୧୯ ସମୟରେ କାନପୁରର (ପୂର୍ବ) ଏସ୍ପି ସୁରେନ୍ଦ୍ର ଦାସଙ୍କର ମୃତ୍ୟୁ ହୋଇଛି । ସ୍ତ୍ରୀଙ୍କ ସହ ଝଗଡା ହେବା ପରେ ସେ ୪ ଦିନ ତଳେ ବିଷ ପିଇ ଦେଇଥିବା ଅଭିଯୋଗ ହୋଇଥିଲା। ତାଙ୍କ ଘରେ କାମ କରୁଥିବା କର୍ମଚାରୀ ତାଙ୍କୁ ଚେତାଶୂନ୍ୟ ଅବସ୍ଥାରେ ଦେଖିବା ପରେ ଚିକିତ୍ସାପାଇଁ ଡାକ୍ତରଖାନାରେ ଭର୍ତ୍ତ କରିଥିଲେ । ପୁଲିସ ତଦନ୍ତ କରିବା ବେଳ ସେ ନିଜ ମୋବାଇଲ୍ ଫୋନ୍ ଓ ଲାପ୍ଟପ୍ରେ ଆତ୍ମହତ୍ୟା କରିବାର ବିଭିନ୍ନ ଉପାୟ ବିଷୟରେ ଖୋଜିଥିବା ଜାଣିବାକୁ ପାଇଥିଲେ ।
ଜନ୍ମାଷ୍ଟମୀରେ ତାଙ୍କର ପତ୍ନୀ ଆମୀଷ ପିଜା ବରାଦ ଦେବାରୁ ଦୁଇଜଣଙ୍କ ମଧ୍ୟରେ ଝଗଡା ହୋଇଥିଲା। ଏଥିରେ ମାନସିକ ଚାପରେ ରହି ସେ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ତାଙ୍କର ମୃତ୍ୟୁ ଖବର ପ୍ରଚାରିତ ହେବାପରେ ବରିଷ୍ଠ ପୁଲିସ ଅଧିକାରୀଙ୍କ ସହ ଅନେକ ଲୋକ ଡାକ୍ତରଖାନାରେ ପହଞ୍ଚିଛନ୍ତି ।