ନୂଆଦିଲ୍ଲୀ : ବିଭିନ୍ନ ଦେଶ ମଧ୍ୟରେ ଆର୍ଥିକ ନେଣଦେଣ ପାଇଁ ଆନ୍ତର୍ଜାତୀୟ ଡାକ ନେଟୱାର୍କରେ ଭାରତୀୟ ୟୁପିଆଇ ବ୍ୟବହାର ବାବଦରେ ଅନୁଧ୍ୟାନ କରାଯିବ ବୋଲି ୟୁନିଭରସାଲ ପୋଷ୍ଟାଲ ନେଟୱାର୍କର ମହାନିର୍ଦେଶକ ମାସାହିକ ମେତୋକି ମଙ୍ଗଳବାର ସଂଧ୍ୟାରେ ସ୍ଥାନୀୟ ସଞ୍ଚାର ଭବନ ଠାରେ କେନ୍ଦ୍ର ସଞ୍ଚାର, ରେଳ ଓ ସୂଚନା ପ୍ରଯୁକ୍ତି ମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ସହ ଆଲୋଚନା ବେଳେ ସୂଚନା ଦେଇଛନ୍ତି । ଆନ୍ତର୍ଜାତୀୟ ଡାକ ନେଟୱାର୍କର ଆଞ୍ଚଳିକ କାର୍ଯ୍ୟାଳୟ ଉଦ୍ଘାଟନ ଲାଗି ଡିଜି ମେତୋକି ତିନି ଦିନିଆ ଭାରତ ଗସ୍ତରେ ଆସିଛନ୍ତି ।
ମନ୍ତ୍ରୀ ବୈଷ୍ଣବଙ୍କ ସହ ଆଲୋଚନା ବେଳେ ଭାରତରେ ଡାକଘର ଗୁଡ଼ିକରେ ଡିଜିଟାଲ ଭିତ୍ତିଭୂମି ବିକାଶ ନେଇ ଖୁସି ବ୍ୟକ୍ତ କରିଥିଲେ । ଦେଶରେ ଡାକଘର ଗୁଡ଼ିକର ଭତ୍ତିଭୂମି ରୂପାନ୍ତରଣ ଦ୍ୱାରା ଅପହଞ୍ଚ ଇଲାକାର ଘର ଦୁଆରରେ କିପରି ସରକାରୀ ସେବା ପହଞ୍ଚି ପାରୁଛି ଏବଂ ଭାରତୀୟ ଅର୍ଥ ବ୍ୟବସ୍ଥାରେ ୟୁପିଆଇ ପ୍ରଚଳନ ଦ୍ୱାରା କେବଳ ଡାକ ବ୍ୟବସ୍ଥା ନୁହେଁ ସମଗ୍ର ଦେଶର ଆର୍ଥିକ ବିକାଶ ତ୍ୱରାନ୍ୱିତ ହୋଇଛି ବୋଲି ଶ୍ରୀ ମେତୋକିଙ୍କୁ ମନ୍ତ୍ରୀ ବୈଷ୍ଣବ ଜଣାଇଥିଲେ ।
Comments are closed.