କେନ୍ଦୁଝରଗଡ଼ : ମନ୍ୟୁଷର ପ୍ରକୃତ ବିକାଶ ନିର୍ଭର କରେ ସାକ୍ଷରତା ଓ ସଚେତନତା ଉପରେ । ଧରଣୀଧର ବିଶ୍ୱବିଦ୍ୟାଳୟରେ ଶୁକ୍ରବାର ଆୟୋଜିତ ଅର୍ନ୍ତଜାତୀୟ ସାକ୍ଷରତା ଦିବସରେ ବିଶ୍ୱବିଦ୍ୟାଳୟର ଭାରପ୍ରାପ୍ତ କୁଳପତି ତଥା ଓଏସ୍ଡି ପ୍ରଫେସର ଡ.ପ୍ରତାପ କୁମାର ମହାନ୍ତି ମୁଖ୍ୟଅତିଥି ଭାବେ ଯୋଗଦେଇ ଏହା କହିଛନ୍ତି । ବିଶ୍ୱବିଦ୍ୟାଳୟର ଭାରପ୍ରାପ୍ତ କୁଳସଚିବ ନରେନ୍ଦ୍ର କୁମାର ସାହୁ, ସ୍ନାତ୍ତକୋତ୍ତର ପରିଷଦ ଅଧ୍ୟକ୍ଷ ପ୍ରଫେସର ଡ.ସତ୍ୟବ୍ରତ ମିଶ୍ର ଓ ଜନସମ୍ପର୍କ ଅଧିକାରୀ ପ୍ରାଧ୍ୟାପକ ସୁଧାକର ଦାଶ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ସାକ୍ଷରତା ଦିବସ ପାଳନର ଅନୁଚିନ୍ତା ପ୍ରକାଶ କରିଥିଲେ। ଇଂରାଜୀ ଅଧ୍ୟାପକ ବିକାଶ ଚନ୍ଦ୍ର ବେହେରା ଓ ଅବସରପ୍ରାପ୍ତ ପ୍ରାଧ୍ୟାପକ ଡ.ଅନୀଲ କୁମାର ଦାସ ସାକ୍ଷରତା ଦିବସ ପାଳନ ସମ୍ପର୍କରେ ବିସ୍ତୃତ ଭାବେ ଆଲୋକପାତ କରିଥିଲେ । ସ୍ନାତ୍ତକ ଛାତ୍ରୀ ସରିତା ମହାନ୍ତ, ସୁଶ୍ରୀ ସ୍ୱାଧିନତା ବାରିକ ଓ ଛାତ୍ର ଦିବ୍ୟରଞ୍ଜନ ମହାନ୍ତ ଯୋଗଦେଇ ସାକ୍ଷରତା ଦିବସ ପାଳନର ଆବଶ୍ୟକତା ସମ୍ପର୍କରେ ସୁଚିନ୍ତିତ ମତବ୍ୟକ୍ତ କରିଥିଲେ। ବିଶ୍ୱବିଦ୍ୟାଳୟ ଉନ୍ନୟନ ଅଧିକାରୀ ଡ. ସରିତା ନାୟକ, ସହକାରୀ ପ୍ରାଧ୍ୟାପକ ଡ.ସୁମନ୍ତ୍ର ନାଏକ, ସହକାରୀ ପ୍ରାଧ୍ୟାପିକା ସୁଶ୍ରୀ ଭାରତୀ ମୁଣ୍ଡା ଓ ସହକାରୀ ପ୍ରାଧ୍ୟାପିକା ଡ.ନୀରଜାନଳିନୀ ନାଏକ, ସଂସ୍କୃତ ବିଭାଗ ମୁଖ୍ୟ ଡ.ଅରୁନ୍ଧତୀ ଓଝା ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ଓଡିଆ ବିଭାଗ ସହକାରୀ ପ୍ରାଧ୍ୟାପିକା ଶୁଭସ୍ମୀତା ଦାଶ ଶେଷରେ ଧନ୍ୟବାଦ ଅର୍ପଣ କରିଥିଲେ।
Comments are closed.