୧୯୮୪ ଅକ୍ଟୋବର ୩୧ ତାରିଖ ସନ୍ଧ୍ୟା ସମୟ ଦେଶରେ ଦୁଃଖମୟ ପରିବେଶ ସୃଷ୍ଟି ହୋଇଥିଲା। ସେହିଦିନ ଅପରାହ୍ନ ସମୟରେ ଲୌହ ମହିଳା ତଥା ଦୃଢ ଇଚ୍ଛା ଶକ୍ତି ଓ ଦୃଢ ସଙ୍କଳ୍ପ ଥିବା ଇନ୍ଦିରାଙ୍କୁ ଅତ୍ୟନ୍ତ ନିର୍ମମ ଭାବେ ହତ୍ୟା କରାଯାଇଥିଲା। ଅଙ୍ଗରକ୍ଷକମାନଙ୍କ ଦ୍ବାରା ତାଙ୍କୁ ହତ୍ୟା କରାଯାଇଥିଲା।
କୁହାଯାଏ ଯେ, ଇନ୍ଦିରା ଗାନ୍ଧୀଙ୍କ ମୃତ୍ୟୁର ଏକମାତ୍ର କାରଣ ଥିଲା ଯେ, ଖାଲିସ୍ତାନ ଓ ଅପରେସନ ବ୍ଲୁ ଷ୍ଟାର। ଅପରେସନ ବ୍ଲୁ ଷ୍ଟାର ହୋଇ ନଥିଲେ ତାଙ୍କୁ ହତ୍ୟା କରାଯାଇନଥାଏ। କିନ୍ତୁ ସେ ନିଜ ନିଷ୍ପତ୍ତିରୁ ନ ଓହରି ଦୃଢ ଚିତ୍ତରେ ରହୁଥିଲେ। ପଞ୍ଜାବରେ ଅପରେସନ ବ୍ଲୁ ଷ୍ଟାର ପାଇଁ ସେ ଆଦେଶ ଦେଇଥିଲେ। ୧୯୮୪ ମସିହା ଜୁନ ମାସରେ ଅପରେସନ ବ୍ଲୁ ଷ୍ଟାର କରାଯାଇଥିଲା। ଯାହାର ପରିଣାମ ସ୍ବରୂପ ଇନ୍ଦିରା ଗାନ୍ଧୀଙ୍କୁ ୧୯୮୪ ମସିହା ଅକ୍ଟୋବରରେ ନିଜ ଜୀବନ ହରାଇବାକୁ ପଡିଥିଲା।
ଅକ୍ଟୋବର ୩୧ତାରିଖରେ ପୂର୍ବ ଯୋଜନା ମୁତାବକ ତାଙ୍କୁ ନିଜ ଘର ସଫଦରଜଙ୍ଗ ଠାରେ ଜନତା ଦରବାରରେ ପଠାଯାଇଥିଲା। ସକାଳ ୯ଟା ସମୟରେ ଇନ୍ଦିରା ନିଜ ଘର ଠାରୁ କାର୍ଯ୍ୟାଳୟ ଯାଉଥିଲେ ସେହି ସମୟରେ ତାଙ୍କ ସୁରକ୍ଷା ନିମନ୍ତେ ଥିବା ଜଣେ ସୈନିକ ହଠାତ୍ ସରକାରୀ ବନ୍ଧୁକ ବାହାର କରିଥିଲା। ଏବଂ ଅତର୍କିତ ଆକ୍ରମଣ କରିଥିଲା। ତାଙ୍କୁ ୩୦ଟି ଗୁଳି ବାଜିଥିଲା। ଗୁଳି ବାଜିବା ପରେ ତାଙ୍କୁ ପ୍ରଥମେ ଦିଲ୍ଲୀ ସ୍ଥିତ ଏମସରେ ଭର୍ତ୍ତି କରାଗଲା। ତାଙ୍କର ରକ୍ତ ନମୁନା ଓ ନେଗେଟିଭ ଥିବାରୁ ସହଜରେ ମିଳିପାରିଲା ନାହିଁ। ଡାକ୍ତରମାନଙ୍କ ସଚେଷ୍ଟା ସତ୍ତ୍ବେ ଅପରାହ୍ନ ୨ଟା ୨୩ମିନିଟରେ ସେ ପ୍ରାଣ ତ୍ୟାଗ କରିଥିଲେ।
