ନୂଆଦିଲ୍ଲୀ: ଦେଶରେ ସୋମବାର ଦିନକ ମଧ୍ୟରେ ୧୮,୩୪୬ ଜଣ ନୂଆ କୋଭିଡ ସଂକ୍ରମିତ ଚିହ୍ନଟ ହୋଇଛନ୍ତି । ଏଥିସହିତ ଦିନକ ମଧ୍ୟରେ ୨୯,୬୩୯ ଜଣ ସୁସ୍ଥ ହୋଇଛନ୍ତି । ପରୀକ୍ଷା କରାଯାଉଥିବା ନମୁନା ମଧ୍ୟରୁ ସଂକ୍ରମିତ ଚିହ୍ନଟ ହାର ୦.୭୫% ରହିଛି । ସଂପ୍ରତି ଦୈନିକ ସଂକ୍ରମଣ ହାର ୧.୬୧% ଓ ସାପ୍ତାହିକ ସଂକ୍ରମଣ ୧.୬୬% ରହିଛି । ଏଥିସହିତ କରୋନାରୁ ସୁସ୍ଥତା ହାର ୯୭.୯୩% ରହିଛି, ଯାହା ୨୦୨୦ ମାର୍ଚ୍ଚ ପରବର୍ତ୍ତୀ ସମୟରେ ସର୍ବୋଚ୍ଚ ସ୍ତର । ଦେଶରେ ଏପର୍ଯ୍ୟନ୍ତ ମୋଟ ୩,୩୧,୫୦,୮୮୬ ଜଣ କରୋନାରୁ ସୁସ୍ଥ ହୋଇସାରିଲେଣି । ଏଥିସହିତ ଦେଶରେ ସଂପ୍ରତି ୨,୫୨,୯୦୨ ଜଣ ସକ୍ରିୟ ସଂକ୍ରମିତ ରହିଛନ୍ତି ।
ସୋମବାର ସଂଧ୍ୟା ସୁଦ୍ଧା ମୋଟ ୫୭.୫୩ କୋଟି ନମୁନା ପରୀକ୍ଷା କରାଯାଇସାରିଛି । ସେହି ସମୟ ସୁଦ୍ଧା ମୋଟ ୯୧.୫୪ କୋଟି ପାନ କୋଭିଡ ଟିକା ଦିଆଯାଇଛି । ଗତ ୨୪ ଘଣ୍ଟାରେ କେବଳ ୭୨.୫୧ ଲକ୍ଷରୁ ଅଧିକ ପାନ ଟିକା ଦିଆଯାଇଥିବା କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ସୂତ୍ରରୁ ଜଣାଯାଇଛି । ଦେଶର ବିଭିନ୍ନ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳଗୁଡିକ ନିକଟରେ ସଂପ୍ରତି ୬.୭୩ କୋଟି ପାନରୁ ଅଧିକ ଟିକା ମହଜୁଦ ରହିଛି ।
