ଦେଶର ୫ଟି ରାଜ୍ୟରେ ସଂକ୍ରମଣ ବୃଦ୍ଧି ପାଇବାରେ ଲାଗିଛି। ସେହି ରାଜ୍ୟଗୁଡ଼ିକ ହେଉଛି – ମହାରାଷ୍ଟ୍ର, ପଞ୍ଜାବ, କର୍ଣ୍ଣାଟକ, ତାମିଲନାଡ଼ୁ ଓ ଗୁଜୁରାଟ୍। ଦେଶର ମୋଟ୍ ସଂକ୍ରମଣର ୭୮.୪୧ ପ୍ରତିଶତ ଏହି ୫ଟି ରାଜ୍ୟରୁ ଚିହ୍ନଟ ହୋଇଛି। ଗତ ୨୪ ଘଣ୍ଟା ମଧ୍ୟରେ ୨୦ ହଜାର ୬୧୫ଟି ନୂଆ ସଂକ୍ରମଣ ଏହି ରାଜ୍ୟଗୁଡ଼ିକରୁ ରିପୋର୍ଟ ହୋଇଥିବା ସ୍ୱାସ୍ଥ୍ୟ ମନ୍ତ୍ରଣାଳୟ ସୂଚନା ଦେଇଛି। ସେଗୁଡ଼ିକ ମଧ୍ୟରେ ମହାରାଷ୍ଟ୍ରରେ ସର୍ବାଧିକ ୧୬ ହଜାର ୬୨୦ ଜଣ ନୂଆ ସଂକ୍ରମିତ ଚିହ୍ନଟ ହୋଇଥିବା ବେଳେ ପଞ୍ଜାବରେ ୧୪ ଶହ ୯୨, କର୍ଣ୍ଣାଟକରେ ୯୩୪, ଗୁଜୁରାଟରେ ୮୧୦ ଏବଂ ତାମିଲନାଡ଼ୁରେ ୭୫୯ ଜଣ ଚିହ୍ନଟ ହୋଇଛନ୍ତି।
ଅନ୍ୟ ପକ୍ଷରେ ୧୬ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ଗତ ୨୪ ଘଣ୍ଟା ମଧ୍ୟରେ ଗୋଟିଏ ବି କରୋନା ଜନିତ ମୃତ୍ୟୁ ହୋଇ ନ ଥିବା ସ୍ୱାସ୍ଥ୍ୟ ମନ୍ତ୍ରଣାଳୟ ସୂଚନା ଦେଇଛି। ସେହି ଅଂଚଳଗୁଡିକ ହେଉଛି ଆସାମ, ଚଣ୍ଡୀଗଡ଼, ଜାମ୍ମୁ କାଶ୍ମୀର, ଓଡିଶା, ଝାଡ଼ଖଣ୍ଡ, ଲାକ୍ଷାଦ୍ଵୀପ, ଶିକ୍କିମ, ଲଦାଖ, ମଣିପୁର, ଦ୍ରାଦ୍ରା ଓ ନଗର ହାଭେଳି, ମେଘାଳୟ, ମିଜୋରାମ, ନାଗାଲାଣ୍ଡ, ତ୍ରିପୁରା, ଆଣ୍ଡାମାନ ନିକୋବର ଏବଂ ଅରୁଣାଚଳ ପ୍ରଦେଶ।
