ଚୀନ୍ର ପ୍ରତ୍ୟେକ ପ୍ରାନ୍ତରେ ଏବେ ଅଧିକାଂଶ ନିୟମକୁ କଡ଼ାକଡ଼ି ଭାବେ ପାଳନ କରାଯାଉଥିବାର ଦେଖାଯାଉଛି। ନିକଟରେ ସୋସିଆଲ୍ ସାଇଟ୍ରେ କେତୋଟି ଫଟୋ ପ୍ରକାଶିତ ହେବା ପରେ ଖବର ଜୋର୍ ଚର୍ଚ୍ଚା ଧରିଛି। ସେଠାରେ ସଂଖ୍ୟାଧିକ କାର୍ଯ୍ୟାଳୟ ଖୋଲିବା ସହ କର୍ମଚାରୀମାନେ ନିୟମ ମାନିବାରେ ଆଦୌ ହେଳା କରୁନାହାନ୍ତି। ମିଳିଥିବା ତଥ୍ୟ ଅନୁସାରେ, ବର୍ତ୍ତମାନ ସୁଦ୍ଧା ସେଠାରେ ୨୫% କର୍ମଚାରୀ ୱାର୍କ ଫ୍ରମ୍ ହୋମ୍ କରୁଥିବାବେଳେ ଅନ୍ୟମାନେ କାର୍ଯ୍ୟାଳୟ ଆସୁଛନ୍ତି। କାର୍ଯ୍ୟାଳୟ ଆସିବା ପରେ ସେମାନେ ପରସ୍ପରଠାରୁ ସାମଜିକ ଦୂରତା ରଖୁଛନ୍ତି ଓ ପୂର୍ବରୁ ସେମାନେ ଏକତ୍ର ବସି ଭୋଜନ କରୁଥିବାବେଳେ ବର୍ତ୍ତମାନ ସେସବୁ ବନ୍ଦ ହୋଇଯାଇଛି। ଅତି ଆବଶ୍ୟକ ନ ପଡ଼ିଲେ କର୍ମଚାରୀ ପରସ୍ପର ସହ ବାର୍ତ୍ତାଳାପ କରୁନାହାନ୍ତି। କମ୍ପାନୀ ମୁଖ୍ୟ ଅଧିକାରୀଙ୍କ ମତରେ ସିସିଟିଭିରେ କର୍ମଚାରୀଙ୍କ କାର୍ଯ୍ୟକଳାପକୁ ବାରମ୍ବାର ତଦାରଖ କରାଯାଉଛି।
Comments are closed.