ଚେନ୍ନାଇ : ଆଗାମୀ ଲୋକସଭା ନିର୍ବାଚନରେ ବିଜେପିର ବାଟ ଓଗାଳିବା ଲକ୍ଷ୍ୟରେ ବିଜେପି ବିରୋଧୀ ସଙ୍ଘୀୟ ମେଣ୍ଟ ଗଠନ ଲାଗି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଦ୍ବାରା ଆହୁତ ବୈଠକରେ ଯୋଗ ଦେବେ ଡିଏମ୍କେ ଅଧ୍ୟକ୍ଷ ଏମ୍. କେ. ଷ୍ଟାଲିନ। କଲିକତାଠାରେ ଅନୁଷ୍ଠିତ ହେବାକୁ ଥିବା ଏହି ବୈଠକରେ ଷ୍ଟାଲିନଙ୍କ ଯୋଗଦାନ ନେଇ ଡିଏମ୍କେ ଟ୍ବିଟରରେ ସ୍ପଷ୍ଟ ସୂଚନା ଦିଆଯାଇଛି। କିନ୍ତୁ ଏହି ନିଷ୍ପତ୍ତିକୁ ନେଇ ଡିଏମ୍କେର ସହଯୋଗୀ ଦଳଗୁଡିକ ଅସନ୍ତୋଷ ପ୍ରକାଶ କରିଛନ୍ତି। କାରଣ ଚେନ୍ନାଇଠାରେ କରୁଣାନିଧିଙ୍କ ପ୍ରତିମୂର୍ତ୍ତି ଉନ୍ମୋଚନ କାର୍ଯ୍ୟକ୍ରମରେ ମମତା ନିଜେ ଯୋଗ ନ ଦେଇ ଦଳର ରାଜ୍ୟସଭା ସଦସ୍ୟ ଡେରେକ ଓ’ବିରୋନ୍ଙ୍କୁ ନିଜର ପ୍ରତିନିଧି ଭାବେ ପଠାଇଥିଲେ। ଅନ୍ୟପଟେ ଷ୍ଟାଲିନ ପୂର୍ବରୁ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ପ୍ରଧାନମନ୍ତ୍ରୀ ପ୍ରାର୍ଥୀ ଭାବେ ସମର୍ଥନ କରିଥିଲେ। ସର୍ବୋପରି ମମତା ରାଜ୍ୟ ରାଜନୀତିରେ କମ୍ୟୁନିଷ୍ଟ ଶାସନ ସମାପ୍ତ କରିଥିବା ବେଳେ ତାମିଲନାଡୁରେ କମ୍ୟୁନିଷ୍ଟ ପାର୍ଟି ସହିତ ଷ୍ଟାଲିନ ନିର୍ବାଚନ ପୂର୍ବରୁ ମେଣ୍ଟ ଉଦ୍ୟମ କରିଛନ୍ତି। ଏହି ଦୃଷ୍ଟିକୋଣରୁ ଉପରୋକ୍ତ ବୈଠକରେ ସେ ଯୋଗଦେବା ନିଷ୍ପତ୍ତି ଅନେକଙ୍କୁ ଆଶ୍ଚର୍ଯ୍ୟାନ୍ବିତ କରିଛି।
Popular Categories
Previous article
Next article