ବୈଦେଶିକ ମନ୍ତ୍ରୀ ପରିଷଦ ଅଧିବେଶନରେ ଯୋଗଦେବେ ସୁଷମା ସ୍ୱରାଜ

ନୂଆଦିଲ୍ଲୀ: ଇସ୍‍ଲାମିୟ ସହଯୋଗ ସଂଗଠନ ବୈଦେଶିକ ମନ୍ତ୍ରୀ ପରିଷଦର ୪୬ତମ ଅଧିବେଶନ ମାର୍ଚ୍ଚ ପହିଲା ଓ ଦୁଇ ତାରିଖରେ ଆବୁଧାବିରେ ଅନୁଷ୍ଠିତ ହେବ। ବୈଦେଶିକ ମନ୍ତ୍ରୀ ସୁଷମା ସ୍ୱରାଜ ସେଠାକୁ ସମ୍ମାନୀୟ ଅତିଥିଭାବେ ଆମନ୍ତ୍ରିତ ହୋଇଛନ୍ତି। ପୂର୍ଣ୍ଣାଙ୍ଗ ଅଧିବେଶନରେ ସେ ଉଦ୍‍ବୋଧନ ଦେବେ। ପ୍ରଥମ ଥର ପାଇଁ ଜଣେ ଅଣ-ମୁସଲିମ ଦେଶର ନେତାଙ୍କୁ ସେହି ଅଧିବେଶନକୁ ଡକାଯାଇଛି। ମିଳିତ ଆରବ ଏମିରେଟ୍‍ ବୈଦେଶିକ ମନ୍ତ୍ରୀ ଶେଖ୍‍ ଅବଦୁଲ୍ଲା ବିନ୍‍ ଜୈଏଦ୍‍ ଅଲ୍‍ ନାହିଆଁଙ୍କ ଆମନ୍ତ୍ରଣ କ୍ରମେ ସେ ଏହି ଦୁଇଦିନିଆ ବୈଠକରେ ଯୋଗଦେବେ। ଏକ ବିବୃତ୍ତିରେ ବୈଦେଶିକ ମନ୍ତ୍ରଣାଳୟ କହିଛି, ଏହି ଆମନ୍ତ୍ରଣ ଦୁଇଦେଶ ମଧ୍ୟରେ ସମ୍ପର୍କକୁ ଆହୁରି ଆଗକୁ ଆଗେଇ ନେବ।