ରୋଚକ ସ୍ଥିତିରେ ସେମି ଦୌଡ଼ : ଶ୍ରୀଲଙ୍କା-ନ୍ୟୁଜିଲାଣ୍ଡ, ଆଫଗାନିସ୍ତାନ ମ୍ୟାଚ ଉପରେ ପାକିସ୍ତାନର ନଜର
ଅହମ୍ମଦାବାଦ୍ : ଚଳିତ ଆଇସିସି ଦିନିକିୖୖଆ ବିଶ୍ବକପ ମ୍ୟାଚ ଯେତିକି ସରିସରି ଆସୁଛି ରୋମାଞ୍ଚ ସେତିକି ବଢିବାରେ ଲାଗିଛି । ଏବେ ସେମିଫାଇନାଲ ଦୌଡ଼କୁ ନେଇ ଦଳ ଗୁଡ଼ିକ ମଧ୍ୟରେ ଜୋରଦାର ଟକ୍କର ଦେଖିବାକୁ ମିଳିିଛି। ସେମିଫାଇନାଲରେ ସ୍ଥାନ ସୁରକ୍ଷିତ ନେଇ ଭାରତ ଓ ଦକ୍ଷିଣ ଆଫ୍ରିକାକୁ ବାଦ୍ ଦେଲେ ଅନ୍ୟ ୨ଟି ଦଳ ପାଇଁ ଲେଢଇ ଜୋରଦାର ହେଉଛି। ଏକଦା ସେମିଫାଇନାଲ ଦୌଡ଼ର ବିଦାୟ ଦ୍ବାରରେ ପହଞ୍ଚିଥିବା ପାକିସ୍ତାନ ପ୍ରତ୍ୟାବର୍ତ୍ତନ କରିବା ସହିତ ସୁଯୋଗ ସୃଷ୍ଟି କରିଛି। ଶନିବାର ଡକ୍ୱଥ ଲୁଇସ ନିୟମରେ ପାକିସ୍ତାନ ନ୍ୟୁଜିଲାଣ୍ଡକୁ ପରାସ୍ତ କରିବା ପରେ ସ୍ଥିତି ରୋଚକ ହୋଇଛି। ପାକିସ୍ତାନ , ନ୍ୟୁଜିଲାଣ୍ଡ ଓ ଆଫଗାନିସ୍ତାନ ୪ଟି ଲେଖାଏଁ ମ୍ୟାଚ ଜିତି ସମାନ ସ୍ଥିତିରେ ରହିଛନ୍ତି। ଅଷ୍ଟ୍ରେଲିଆ ୭ଟି ମ୍ୟାଚରୁ ୫ଟି ବିଜୟ ସହ ସେମିଫାଇନାଲ ନିକଟତର ହୋଇଛି। ଦଳ ଆଉ ଦୁଇଟି ଲିଗ୍ ମ୍ୟାଚ ଆଫଗାନିସ୍ତାନ ଓ ବାଂଲାଦେଶ ବିପକ୍ଷରେ ଖେଳିବ। ଉକ୍ତ ଦୁଇ ମ୍ୟାଚରୁ ଗୋଟିଏ ବିଜୟ ହାସଲ କରିପାରିଲେ ସେମିଫାଇନାଲରେ ପହଞ୍ଚିବ। ବର୍ତ୍ତମାନର ସ୍ଥିତିକୁ ଦେଖିଲେ ୪ର୍ଥ ଦଳ ଲାଗି ପାକିସ୍ତାନ, ନ୍ୟୁଜିଲାଣ୍ଡ ଓ ଆଫଗାନିସ୍ତାନ ମଧ୍ୟରେ ଟକ୍କର ହେବ। ନ୍ୟୁଜିଲାଣ୍ଡ ଓ ପାକିସ୍ତାନ ୮ଟି ଲେଖାଏଁ ମ୍ୟାଚ ଖେଳି ୪ଟି ଲେଖାଏଁ ବିଜୟ ହାସଲ କରିଛନ୍ତି। ଦଳ ନିକଟରେ ଆଉ ଗୋଟିଏ ଲେଖାଏଁ ମ୍ୟାଚ ରହିଛି। ନ୍ୟୁଜିଲାଣ୍ଡ ଯଦି ଶେଷ ମ୍ୟାଚରେ ଶ୍ରୀଲଙ୍କାକୁ ଓ ପାକିସ୍ତାନ ଯଦି ଶେଷ ମ୍ୟାଚରେ ଇଂଲଣ୍ଡକୁ ପରାସ୍ତ କରେ ଓ ଆଫଗାନିସ୍ତାନ ଦକ୍ଷିଣ ଆଫ୍ରିକା ଓ ଅଷ୍ଟ୍ରେଲିଆ ନିକଟରୁ ପରାଜିତ ହୁଏ ତେବେ ନ୍ୟୁଜିଲାଣ୍ଡ ଓ ପାକିସ୍ତାନର ସମାନ ପଏଣ୍ଟ ହେବ। ଏଭଳି ସ୍ଥିତିରେ ରନ୍ ରେଟ୍ ଆଭରେଜରେ ଗୋଟିଏ ଦଳ ସେମିଫାଇନାଲକୁ ଉନ୍ନୀତ ହେବ। ଅନ୍ୟପକ୍ଷରେ ଯଦି ନ୍ୟୁଜିଲାଣ୍ଡ ଶେଷ ମ୍ୟାଚରେ ଶ୍ରୀଲଙ୍କା ନିକଟରୁ ପରାଜିତ ହୁଏ ଓ ଆଫଗାନିସ୍ତାନ େଶଷ ଦୁଇ ମ୍ୟାଚରେ ଦକ୍ଷିଣ ଆଫ୍ରିକା ଓ ଅଷ୍ଟ୍ରେଲିଆ ନିକଟରୁ ପରାଜିତ ହୁଏ ତେବେ ପାକିସ୍ତାନ ଶେଷ ମ୍ୟାଚରେ ଇଂଲଣ୍ଡକୁ ହରାଇ ସେମିଫାଇନାଲରେ ପହଞ୍ଚିପାରିବ। ଏବେ ପାକିସ୍ତାନର ପ୍ରଥମ ନଜର ରହିବ ୭ରେ ଖେଳାଯିବାକୁ ଥିବା ଅଷ୍ଟ୍ରେଲିଆ-ଆଫଗାନିସ୍ତାନ ଓ ୯ରେ ଖେଳାଯିବାକୁ ଥିବା ନ୍ୟୁଜିଲାଣ୍ଡ ଓ ଶ୍ରୀଲଙ୍କା ମ୍ୟାଚ ଉପରେ ରହିବ।
Comments are closed.