ନ୍ୟୁୟର୍କ- ଆମେରିକାରେ ରଫିକ୍ ଇସଲାମ ନାମକ ବ୍ୟକ୍ତି ତାଙ୍କ ଭଡାଟିଆ ରହୁଥିବା ଘରକୁ ଜାଳି ଦେଇଥିବା ଅଭିଯୋଗରେ ଗିରଫ ହୋଇଛନ୍ତି । ଏହି ଘଟଣା ମାସେ ତଳେ ଘଟିଥିଲା । ସେପ୍ଟେମ୍ବର ମାସରେ ରଫିକ୍ ବ୍ରୁକ୍ଲିନ୍ ବିଲ୍ଡିଙ୍ଗର ଦ୍ୱିତୀୟ ମହଲାରେ ନିଆଁ ଲଗାଇବା ଅଭିଯୋଗରେ ଗିରଫ ହୋଇଛନ୍ତି । ଏଠାରେ ତାଙ୍କର ଏକ ଘର ରହିଛି । ଜଣେ ବ୍ୟକ୍ତି ନିଜର ୬ ଜଣ ସନ୍ତାନଙ୍କ ସହ ସେହି ଘରେ ଭଡା ରହିଥିଲେ । ଗତ କିଛିମାସ ତଳେ ସେ ଘର ଭଡା ଦେବାକୁ ମନା କରିବା ସହ ଘରୁ ବାହାରି ନଥିଲେ ।
ସେପ୍ଟେମ୍ବର ମାସରେ ରଫିକ୍ ନିଜ ମୁହଁକୁ ଘୋଡାଇ ସେହି ଘରକୁ ଆସିବା ସହ ସେଥିରେ ନିଆଁ ଲଗାଇ ଚୁପ୍ ଚାପ ସେଠାରୁ ଚାଲିଯାଇଥିଲେ । ସୌଭାଗ୍ୟବଶତଃ ଏଥିରେ କେହି ମୃତାହତ ହୋଇ ନଥିଲେ, ଘରେ ରହୁଥିବା ବ୍ୟକ୍ତି ତାଙ୍କ ପିଲାମାନଙ୍କୁ ଛାତରୁ ତଳକୁ ପକାଇଥିଲେ । ତଳେ ଥିବା ଲୋକମାନେ ସେମାନଙ୍କୁ ଧରି ନେଇଥିଲେ । ନ୍ୟୁୟର୍କ ଅଗ୍ନିଶମ ବିଭାଗ ନିଆଁ ଲାଗିବାର କାରଣ ତଦନ୍ତ କରିବା ସମୟରେ କେହି ଜଣେ ନିଆଁ ଲଗାଇଥିବା ଜାଣିବା ପାଇଁ ପାଇଥିଲା । ପୁଲିସ ପକ୍ଷରୁ ହତ୍ୟା ଉଦ୍ୟମ ସହ ଅନେକ ମାମଲା ରୁଜୁ ହୋଇଥିଲା । ପରେ ଏଥିରେ ରଫିକ୍ର ସମ୍ପୃକ୍ତି ପ୍ରମାଣିତ ହୋଇଥିଲା ।
ରଫିକ୍ ପୂର୍ବରୁ ଆଇନର ଆଶ୍ରୟ ନେଇଥିଲା । ମାତ୍ର ଏଥିରେ ସାମାନ୍ୟ ବିଳମ୍ବ ହେବାରୁ ସେ ଏପରି କରିଥିବା କଥା ପୁଲିସ ଆଗରେ ସ୍ୱୀକାର କରିଛି ।
Comments are closed.