ଆବନକେ,୨୮ା୧ : ଦକ୍ଷିଣ ଆମେରିକୀୟ ରାଷ୍ଟ୍ର ପେରୁର ଆବନକେସ୍ଥିତ ଆଲାମ୍ବ୍ରା ହୋଟେଲରେ ବିବାହ ଉତ୍ସବ ଚାଲିଥିବାବେଳେ ଅତଡ଼ା ଧସି ୧୫ଜଣଙ୍କ ମୃତ୍ୟୁ ଘଟିଛି ଓ ପ୍ରାୟ ୩୫ଜଣ ଆହତ ହୋଇଛନ୍ତି। ପାହାଡ଼ ପାଦଦେଶରେ ଥିବା ହୋଟେଲରେ ରବିବାର ସନ୍ଧ୍ୟାରେ ବିବାହ ଉତ୍ସବ ଅନୁଷ୍ଠିତ ହୋଇଥିଲା। ଶତାଧିକ ଅତିଥି ନୃତ୍ୟଗୀତରେ ମାତିଥିବାବେଳେ ହଠାତ୍ ପାହାଡ଼ରୁ ଅତଡ଼ା ଧସି ସେମାନଙ୍କ ଉପରେ ପଡ଼ିଥିଲା। ପଥର ଓ କାଦୁଅ ତଳେ ବହୁ ଲୋକ ଚାପି ହୋଇଯାଇଥିଲେ। ହୋଟେଲର ପ୍ରାଚୀର ଓ ଛାତ ଭାଙ୍ଗିଯିବା ଫଳରେ ଏହା ତଳେ ମଧ୍ୟ ଅନେକ ଚାପି ହୋଇଯାଇଛନ୍ତି। ସ୍ଥାନୀୟ ମେୟର କହିଛନ୍ତି ଯେ ଉଦ୍ଧାର କାର୍ଯ୍ୟ ଜାରି ରହିଛି। ମୃତ୍ୟୁ ସଂଖ୍ୟା ବଢ଼ିବାର ଆଶଙ୍କା ରହିଛି।
