ଶୁକ୍ରବାର ରାଶିଫଳ (୨୧.୦୪.୨୦୨୩)

ମେଷ :  ଲୋକପୂଜ୍ୟ ହେବା ଆଶା କରାଯାଏ। ଲୋଭାସକ୍ତ ହେବାର ସୂଚନା ମିଳୁଛି। ପରୋପକାରୀ ହୋଇପାରନ୍ତି। ଚଞ୍ଚଳମନା ହେବେ। ଧନଶାଳୀ ହେବାର ସୁଯୋଗ ସୃଷ୍ଟି ହୋଇଛି। କୃପଣ ହୋଇପାରନ୍ତି।

ବୃଷ : ଦେବ କାର୍ଯ୍ୟ ସମ୍ପାଦନ କରିପାରନ୍ତି। ପରୋପକାରରେ ନିଜକୁ ନିୟୋଜିତ କରି ଆତ୍ମସନ୍ତୋଷ ଲାଭ କରିବେ। ଭାଷା ଓ ବ୍ୟବହାର ପଡ଼ୋଶୀଙ୍କ ପାଇଁ ସୁଖବୋଧ ହେବ। ଧାତୁ ଦ୍ରବ୍ୟରେ ଧନ ବ୍ୟୟ ହେବ।

ମିଥୁନ : ବ୍ୟବସାୟ ଅତ୍ୟନ୍ତ ଲାଭଦାୟକ ହେବ। ପତିପତ୍ନୀଙ୍କ ସାଂସାରିକ ଜୀବନ ସ୍ନେହ, ପ୍ରେମ ଓ ପ୍ରୀତିପୂର୍ଣ୍ଣ ହେବ। ନବବସ୍ତ୍ର ସହ ଧନ ପ୍ରାପ୍ତିର ସୂଚନା ମିଳୁଛି। ପୁଷ୍ପ ଭରଣ ଯୋଗ ଅଛି। ଭୋଜନ ରୁଚିପୂର୍ଣ୍ଣ ହେବ।

କର୍କଟ : ଚାରା ରୋପଣାଦି କର୍ଯ୍ୟରେ ମନୋନିବେଶ କରିବେ। ଘାଟ ପରିଚାଳନା ଭଳି ଦାୟିତ୍ବପୂର୍ଣ୍ଣ କାର୍ଯ୍ୟଭାର ଗ୍ରହଣ କରିବେ। ଜନସାଧାରଣ ପାନୀୟ ଜଳଯୋଗାଣ​ରେ‌ ନିଜକୁ ସାମିଲ କରିବେ।

ସିଂହ : ସ୍ବଧର୍ମ କ୍ରିୟା ସମ୍ପାଦନ କରିବା ସହ ପରଧର୍ମ ପ୍ରତି ସମ୍ମାନ ବୋଧ ରହିବ। ତୀର୍ଥ ସେବାରେ ଯୋଗ ଦେଇପାରନ୍ତି। ନ୍ୟସ୍ତ କ୍ଷମତାର ସୁବିନିଯୋଗ କରି ଲୋକପ୍ରିୟତା ଅର୍ଜନ କରିବେ। କୃତିତ୍ବ ଲାଭ କରିବେ।

କନ୍ୟା : ପତ୍ନୀଙ୍କ ପରାମର୍ଶରେ ଚଳିବାକୁ ପଡ଼ିବ। ଅଯଥା ପାରିବାରିକ ଅଶାନ୍ତି ସୃଷ୍ଟିର ସମ୍ଭାବନା ଅଛି। ନିଜ ପ୍ରତି କଠୋର ଓ ଅନ୍ୟ ପ୍ରତି କୋମଳ ମନୋଭାବର ହେବେ। ଧୈର୍ଯ୍ୟ ସଞ୍ଚୟ କରି ବିପଦର ସମ୍ମୁଖୀନ ହେବେ।

ତୁଳା : ଗୁଣବତୀ ପତ୍ନୀଙ୍କ ଉପରେ ସଂସାରର ଦାୟିତ୍ବ ନ୍ୟସ୍ତ କରିପାରନ୍ତି। ପତ୍ନୀ ବିବିଧ ଗୁଣଯୁକ୍ତ ହୋଇପାରନ୍ତି। ଧର୍ମୀୟ ଭାବନା ସଂଯୁକ୍ତ ହେବେ। ବହୁୁପୁତ୍ର ଓ ବିନୀତ ସ୍ବଭାବସମ୍ପନ୍ନା ହେବେ। ପରୋପକାରୀ ହେବେ।

ବିଛା : ଶତ୍ରୁତାର ବିନାଶ ଘଟାଇ ପାରନ୍ତି। ସ୍ବକର୍ମରେ ନିଜକୁ ନିୟୋଜିତ କରି ଅନ୍ୟ ସହଯୋଗୀମାନଙ୍କ ନିକଟରେ ଆଦର୍ଶବାଦୀ ହେବେ। ସତର୍କତା ଅବଲମ୍ବନ କଲେ ଚୋର ଭୟ ଦୂର ହେବ। ଋଣ ଗ୍ରହଣ କରିବେ।

ଧନୁ : ସତ୍‌ଚରିତ୍ରଯୁକ୍ତ ପୁତ୍ର ଦ୍ବାରା ଅସାଧ୍ୟ ସାଧନ କରାଇପାରନ୍ତି। ପୁତ୍ର ଶାରୀରିକ ଶକ୍ତିସମ୍ପନ୍ନ ଓ ଶତ୍ରୁଦମନକାରୀ ହୋଇପାରେ। ସେବା କାର୍ଯ୍ୟକୁ ଅଗ୍ରାଧିକାର ଦେଇପାରନ୍ତି। ସ୍ବକର୍ମ ବଳରେ ବଳୀୟାନ ହେବେ।

ମକର : ଜଳାଶୟ ନିର୍ମାଣରେ ଜଣେ ଅଭିଜ୍ଞ ବ୍ୟକ୍ତିର ପରିଚୟ ସୃଷ୍ଟି କରିପାରନ୍ତି। ପିତୃମାତୃଙ୍କ ସେବାରେ ନିଜକୁ ନିୟୋଜିତ କରିବେ। ନିର୍ଭୟରେ ଓ ନିର୍ବିବାଦରେ ଦାୟିତ୍ବପୂର୍ଣ୍ଣ କାର୍ଯ୍ୟ ସମ୍ପାଦନ କରିବେ। ଅର୍ଥ ମିଳିବ।

କୁମ୍ଭ : ନୀତିନିଷ୍ଠ ବ୍ୟକ୍ତିଭାବେ ଅନ୍ୟାୟ, ଅନୀତି ଓ ଦୁର୍ନୀତିକୁ ଘୃଣା କରୁଥିଲେ ବି ଶେଷରେ କ୍ଷମାଶୀଳ ହୋଇପାରନ୍ତି। ଉପକାରୀ ବ୍ୟକ୍ତିଙ୍କ ନିକଟରେ କୃତଜ୍ଞ ହେବେ। ସତ୍‌ପରାୟଣ ହେବେ। ପଣ୍ଡିତଙ୍କ ସହ ମିତ୍ରତା ହେବ।

ମୀନ : ବିବିଧ ଉପାୟରେ ଧନ ଅର୍ଜନ କରିପାରନ୍ତି। ଏପରିକି ଉପବାସରୁ ବଞ୍ଚିତ ଧନକୁ ସଞ୍ଚୟ କରି ଆର୍ଥିକ ସ୍ଥିତିର ଅଭିବୃଦ୍ଧି କରାଇ ପାରନ୍ତି। ବିଦ୍ୟା ପ୍ରଭାବରେ ଧନ ଅର୍ଜନ କରିବାରେ ପାରଙ୍ଗମ ହେବେ।