ନୂଆଦିଲ୍ଲୀ : ଜାମ୍ମୁ- କାଶ୍ମୀରରେ ଗତ କିଛି ଦିନ ହେବ ଆତଙ୍କବାଦୀମାନେ ସାଧାରଣ ଜନତାଙ୍କୁ ଟାର୍ଗେଟ କରି ହତ୍ୟା କରିବା ଘଟଣାକୁ ନେଇ ଉଦବେଗ ପ୍ରକାଶ ପାଇବା ପରେ, ସ୍ୱରାଷ୍ଟ୍ରମନ୍ତ୍ରୀ ଅମିତ ଶାହା ଶୁକ୍ରବାର ନୂଆଦିଲ୍ଲୀରେ ଏକ ଉଚ୍ଚସ୍ତରୀୟ ବୈଠକରେ ଜାମ୍ମୁ-କାଶ୍ମୀର ସୁରକ୍ଷା ପରିସ୍ଥିତି ନେଇସମୀକ୍ଷା କରିଛନ୍ତି। ଆତଙ୍କବାଦର ମୂଳୋତ୍ପାଟନ ପାଇଁ କାର୍ଯ୍ୟାନୁଷ୍ଠାନରେ ସମନ୍ୱିତ ଉଦ୍ୟମ କରିବାକୁ ସ୍ୱରାଷ୍ଟ୍ରମନ୍ତ୍ରୀ ନିରାପତ୍ତା ବାହିନୀ ଗୁଡ଼ିକୁ ନିର୍ଦ୍ଦେଶ ଦେଇଥିଲେ। ଜାମ୍ମୁ-କାଶ୍ମୀରରେ ସୀମାପାର ଆତଙ୍କବାଦର ସମ୍ପୂର୍ଣ୍ଣ ବିଲୋପ କରାଯିବାକୁ ନିଶ୍ଚିତ କରିବା ପାଇଁ ସେ ନିରାପତ୍ତା ବାହିନୀ ଗୁଡ଼ିକୁ କହିଛନ୍ତି। ଯେକୌଣସି ପରିସ୍ଥିତିରେ ମଧ୍ୟ ଆତଙ୍କବାଦକୁ କେବେ ବରଦାସ୍ତ କରାଯିବ ନାହିଁ ବୋଲି ଶ୍ରୀ ଶାହା କହିଛନ୍ତି।
ଜାମ୍ମୁ-କାଶ୍ମୀର ଉପରାଜ୍ୟପାଳ ମନୋଜ ସିହ୍ନା ଓ ପ୍ରଶାସନର ବରିଷ୍ଠ ଅଧିକାରୀମାନେ ବୈଠକରେ ଯୋଗଦେଇଥିଲେ। ସ୍ୱରାଷ୍ଟ୍ରମନ୍ତ୍ରୀ ଶ୍ରୀ ଶାହା ଅମରନାଥ ଯାତ୍ରା ପ୍ରସ୍ତୁତିର ମଧ୍ୟ ତଦାରଖ କରିଥିଲେ। ଗତ ମାସରେ ମଧ୍ୟ ସ୍ୱରାଷ୍ଟ୍ରମନ୍ତ୍ରୀ ଜାମ୍ମୁ-କାଶ୍ମୀର ନିରାପତ୍ତା ପରିସ୍ଥିତିର ସମୀକ୍ଷା କରିଥିଲେ।
Comments are closed.