ହୀରାକୁଦ: ଉପରମୁଣ୍ଡରେ ବର୍ଷା ଏବଂ ହୀରାକୁଦ ଜଳସ୍ତର ବୃଦ୍ଧି ପାଇବାରୁ ଗତ ୨୪ ତାରିଖ ଅପରାହ୍ନରେ ହୀରାକୁଦ ନଦୀବନ୍ଧର ୪ଟି ଫାଟକ ଖୋଲାଯାଇଥିଲା। ପରବର୍ତ୍ତୀ ସମୟରେ ପର୍ଯ୍ୟାୟକ୍ରମେ ଅଧିକ ସଂଖ୍ୟକ ଫାଟକ ଖୋଲିଥିବାବେଳେ ବୁଧବାର ସନ୍ଧ୍ୟା ୬ଟା ସୁଦ୍ଧା ବାମପଟର ୯ଟି ଓ ଡାହାଣପଟର ୫ଟି ଏହିପରି ମୋଟ ୧୪ଟି ଫାଟକ ଖୋଲା ରହିଛି। ଏହି ସମୟରେ ଜଳସ୍ତର ୬୦୭.୧୭ ଫୁଟ ରହିଛି। ଜଳଭଣ୍ଡାରକୁ ପ୍ରତି ସେକେଣ୍ଡରେ ୮୫ ହଜାର ୭୫୦ ଘନଫୁଟ ଜଳ ପ୍ରବେଶ କରୁଥିବାବେଳେ ଫାଟକ, ପାୱାର ଚେନାଲ, ଶିଳ୍ପ ଓ କେନାଲ ମାଧ୍ୟମରେ ପ୍ରତି ସେକେଣ୍ଡରେ ୨ ଲକ୍ଷ ୨୫ ହଜାର ୨୪୩ ଘନଫୁଟ ଜଳ ନିଷ୍କାସିତ ହେଉଛି। ବୁଧବାର ସକାଳ ସୁଦ୍ଧା ଗତ ୨୪ ଘଣ୍ଟାରେ ଉପରମୁଣ୍ଡରେ ୩୪.୭୧ ମିଲିମିଟର ଏବଂ ତଳମୁଣ୍ଡରେ ୧୬.୨୮ ମିଲିମିଟର ବର୍ଷା ରେକର୍ଡ କରାଯାଇଛି। ସୂଚନାଯୋଗ୍ୟ ଯେ, ଗତ ୧୧ ତାରିଖରେ ହୀରାକୁଦ ନଦୀବନ୍ଧର ଦୁଇଟି ଫାଟକ ଖୋଲାଯାଇ ଚଳିତବର୍ଷର ପ୍ରଥମ ବନ୍ୟାଜଳ ନିଷ୍କାସନ କରାଯାଇଥିଲା। ତେବେ, ଜଳସ୍ତର ହ୍ରାସ ପାଇବାରୁ ୧୭ ତାରିଖରେ ଉଭୟ ଫାଟକକୁ ବନ୍ଦ କରିଦିଆଯାଇଥିଲା।
Popular Categories
Previous article
Next article