ନୂଆଦିଲ୍ଲୀ : ଦିଲ୍ଲୀ-ଏନସିଆରରେ ଶୁକ୍ରବାର ସକାଳେ ପ୍ରବଳ ବର୍ଷା ହୋଇଛି। ଅନେକ ଅଞ୍ଚଳରେ ଲୋକେ ପାଣି ଭିତରେ ଫସି ରହିଛନ୍ତି । ପୁଣେ ଓ ରାୟଗଡ ସମେତ ମହାରାଷ୍ଟ୍ରର ଅନେକ ଭାଗରେ ପ୍ରବଳ ବର୍ଷା ଆଲର୍ଟ ରହିଥିବା ଯୋଗୁଁ ସମସ୍ତ ସ୍କୁଲ କଲେଜ ଛୁଟି କରିଦିଆଯାଇଛି । ଗୁଜୁରାତର ଅନେକ ଜିଲାରେ ପ୍ରବଳ ବର୍ଷା ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ହିମାଚଳ ପ୍ରଦେଶରେ ୨୮ ଜୁଲାଇ ପର୍ଯ୍ୟନ୍ତ ଭିନ୍ନ ଭିନ୍ନ ସ୍ଥାନରେ ବର୍ଷାକୁ ନେଇ ୟୋଲେ ଆଲର୍ଟ ଜାରି କରାଯାଇଛି । ଉତ୍ତରାଖଣ୍ଡ ଦେହରାଦୁନ, ନୈନିତାଲ ଓ ବାଗେଶ୍ବରରେ ମଧ୍ୟ ୟେଲୋ ଆଲର୍ଟ ଜାରି ହୋଇଛି । ଛତିଶଗଡ ଓ ରାଜସ୍ଥାନର ଅନେକ ଜିଲାରେ ପ୍ରବଳ ବର୍ଷା ଯୋଗୁଁ ସତର୍କ ରହିବାକୁ ସୂଚନା ଦିଆଯାଇଛି । ଦିଲ୍ଲୀ-ଏନସିଆରରେ ବର୍ଷା ଗରମରୁ ମୁକ୍ତି ଦେଇଛି । କିନ୍ତୁ ପ୍ରବଳ ମାତ୍ରାରେ ବର୍ଷା ହେବା ପରେ ଚାରିଆଡେ ପାଣି ଭର୍ତ୍ତି ହୋଇଛି । ଫଳରେ ଟ୍ରାଫିକ୍ ସମସ୍ୟା ଦେଖାଦେଇଛି । ପାଣିପାଗ ବିଭାଗ ଅନୁସାରେ ଆଗାମୀ ୭ ଦିନ ପର୍ଯ୍ୟନ୍ତ ଦିଲ୍ଲୀରେ ବର୍ଷା ସମ୍ଭାବନା ରହିଛି ।
#WATCH | Delhi: The city faced traffic jams and waterlogging in various areas after heavy rains this morning.
(Visuals from Bhikaji Cama Place) pic.twitter.com/YdKRWZnzoS
— ANI (@ANI) July 26, 2024
