ଗୁରୁଡିଝାଟିଆ: ଅଶୋକାଷ୍ଟମୀ ଯାତ୍ରା ପାଇଁ ଖୁଣ୍ଟୁଣୀ-ରମ୍ପେଇଗ୍ରାମ ଉତ୍ସବମୁଖର ହୋଇଛି। ଗ୍ରାମ୍ୟ କମିଟି ପକ୍ଷରୁ ଇଷ୍ଟଦେବ ବାଲୁଙ୍କେଶ୍ୱର ଶ୍ରୀରାମଚନ୍ଦ୍ର ଓ ଲକ୍ଷ୍ମୀ ନାରାୟଣଙ୍କୁ ସୁସଜ୍ଜିତ ବିମାନରେ ଗ୍ରାମ ପରିକ୍ରମା କରାଯାଇ ବାଲୁଙ୍କେଶ୍ୱର ମନ୍ଦିରକୁ ନିଆଯାଇଥିଲା। ଗ୍ରାମର ଆବାଳ ବୃଦ୍ଧବନିତା ଦିଅଁଙ୍କୁ ଦର୍ଶନ କରିବା ସହ ପୂଜାର୍ଚ୍ଚନା କରିଥିଲେ। ଗ୍ରାମ୍ୟ କମିଟିର ସଭାପତି ମନୋଜ କୁମାର ମିଶ୍ରଙ୍କ ପ୍ରତ୍ୟେକ୍ଷ ତତ୍ତ୍ବାବଧାନରେ ଅନୁଷ୍ଠିତ ବିମାନରୁଢ ଦିଅଁଙ୍କ ରୋଷଣିରେ ମୁରବୀ ସଚ୍ଚିଦାନନ୍ଦ ପଣ୍ଡା, ବିପିନ ବିହାରୀ ପ୍ରଧାନ, କିଶୋର କୁମାର ସାମନ୍ତରାୟ, ଦିଲ୍ଲିପ କୁମାର ସେଠ, ରଜନୀକାନ୍ତ ଜେନା, କୈଳାସ ଚନ୍ଦ୍ର ଦାସ, ପ୍ରଦ୍ୟୁମ୍ନ ନାୟକ, ଅନ୍ତର୍ଯ୍ୟାମୀ ସାହୁ, ସୁରେଶ ଚନ୍ଦ୍ର ଦଳାଇ, ସୁଶାନ୍ତ କୁମାର ସାହୁ, ଗୋବିନ୍ଦ ଚନ୍ଦ୍ର ବେହେରା, ପ୍ରଫୁଲ କୁମାର ସାହୁ, ସୁଧିର କୁମାର ଦାସ ଓ ସଞ୍ଜୟ କୁମାର ବେହେରା ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମକୁ ପରିଚାଳନା କରିଥିଲେ। ଏହି ଅବସରରେ ଗ୍ରାମରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେଉଛି।
Comments are closed.