ବଡୋଦରା : ଗୁଜରାଟର ବଡୋଦରା ସହର ନିକଟରେ ରାଜପଥରେ ଠିଆ ହୋଇଥିବା ଏକ କଣ୍ଟେନର ସହ କାର୍ ଦୁର୍ଘଟଣାଗ୍ରସ୍ତ ହୋଇଛି। ଫଳରେ ଏହି ଦୁର୍ଘଟଣାରେ ୨ ଦମ୍ପତି,ଜଣେ ଶିଶୁ ସମେତ ୫ ଜଣଙ୍କ ମୃତ୍ୟୁ ଘଟିଛି। ସୋମବାର ପୁଲିସ ଠାରୁ ଏହି ସୂଚନା ମିଳିଛି। ପୁଲିସ କହିଛି, ରବିବାର ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଥିବା ବେଳେ ୨ ଜଣ ପୁରୁଷ ନିଜ ପତ୍ନୀଙ୍କ ଓ ଶିଶୁଙ୍କ ସହ କାର୍ରେ ବଡୋଦରା ଜିଲାର କର୍ଜନ ଅଞ୍ଚଳରୁ ଫେରୁଥିଲେ। କାର୍ଟି ରାସ୍ତା କଡରେ ଠିଆ ହୋଇଥିବା କଣ୍ଟେନର ସହ ଧକ୍କା ହୋଇଥିଲା। ୨ ଦମ୍ପତି ଓ ଏକ ବର୍ଷର ଜଣେ ଶିଶୁର ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ୪ ବର୍ଷର ଅନ୍ୟ ଏକ ଶିଶୁକୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି। ଖବର ପାଇବା ମାତ୍ରେ ପୁଲିସ ଓ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ମୃତାହତଙ୍କୁ ଉଦ୍ଧାର କରିବା ସହ ଘଟଣାର ତଦନ୍ତ ଜାରି ରଖିଛନ୍ତି।
Comments are closed.