ନୂଆଦିଲ୍ଲୀ: ଭାରତୀୟ ପାରମ୍ପରିକ ଔଷଧ ସିଦ୍ଧ ଏବଂ ଆୟୁର୍ବେଦ ଭିତ୍ତିକ ଚିକିତ୍ସା ଯୋଗାଇଦେବା ଲକ୍ଷ୍ୟରେ ଦେଶର ୧୫୦ଟି ଜିଲ୍ଲାରେ ସ୍ୱତନ୍ତ୍ର ଚିକିତ୍ସାଳୟମାନ ଖୋଲାଯିବ। ତାମିଲନାଡୁର ଭେଲୋରଠାରେ ସୋମବାର ଏକ ଆୟୁର୍ବେଦ ଚିକିତ୍ସାଳୟର ଶୁଭାରମ୍ଭ କରିବା ଅବସରରେ କେନ୍ଦ୍ର ଆୟୁଷ ରାଷ୍ଟ୍ରମନ୍ତ୍ରୀ ଶ୍ରୀପଦ ୟେଷୋ ନାୟକ ଏହା କହିଛନ୍ତି।
ଭାରତୀୟ ପାରମ୍ପରିକ ଔଷଧ କ୍ଷେତ୍ରରେ ଗବେଷଣାକୁ ପ୍ରୋତ୍ସାହନ ଯୋଗାଇଦେବା ଲକ୍ଷ୍ୟରେ ଦେଶର ବିଭିନ୍ନ ଭାଗରେ ଏମସ୍ ଭଳି ଅନୁଷ୍ଠାନମାନ ସ୍ଥାପନ କରାଯିବ ବୋଲି ସେ କହିଛନ୍ତି। ଆୟୁଷ ରାଷ୍ଟ୍ରମନ୍ତ୍ରୀ ଶ୍ରୀପଦ ଗ୍ରାମାଞ୍ଚଳରେ ମୌଳିକ ସ୍ୱାସ୍ଥ୍ୟସେବା ଲକ୍ଷ୍ୟରେ ଏକ ଛଅ ମାସିଆ ପାଠ୍ୟକ୍ରମର ପ୍ରଚଳନ ଆରମ୍ଭ କରିଛନ୍ତି।
