ଆହ୍ଲାବାଦ : ଆହ୍ଲାବାଦ ହାଇକୋର୍ଟରୁ ଗୋରଖପୁର ଦଙ୍ଗା ମାମଲାରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଗୁରୁବାର ବଡ ଆଶ୍ୱସ୍ତି ମିଳିଛି । ଆହ୍ଲାବାଦ ହାଇକୋର୍ଟ ୨୦୦୭ ଗୋରଖପୁର ଦଙ୍ଗା ମାମଲାରେ ଯୋଗୀ ଆଦିତ୍ୟନାଥଙ୍କ ଭୂମିକାର ପୁନଃତଦନ୍ତ ଆବେଦନକୁ ଖାରଜ କରିଦେଇଛନ୍ତି । ଆବେଦନକାରୀ ଏହି ମାମଲାରେ ସିବିଆଇ ତଦନ୍ତ ପାଇଁ ଦାବି କରିଥିଲେ । ୨୦୦୭ ଜାନୁଆରୀ ମାସରେ ଗୋରଖପୁରରେ ଜଣେ ହିନ୍ଦୁ ସମ୍ପ୍ରଦାୟ ବ୍ୟକ୍ତିଙ୍କ ମୃତ୍ୟୁକୁ ନେଇ ଦୁଇ ସମ୍ପ୍ରଦାୟ ମଧ୍ୟରେ ଦଙ୍ଗା ହୋଇଥିଲା । ଏହି ଦଙ୍ଗା ନେଇ ୨୦୦୭ ଜାନୁଆରୀ ୨୭ରେ ଏକ ମାମଲା ରୁଜୁ ହୋଇଥିଲା । ଏତଲାରେ ଦର୍ଶାଯାଇଥିଲା ଯେ ଆଦିତ୍ୟନାଥ ପ୍ରତିଶୋଧ ନେବାକୁ ଏକ ଉତ୍ତେଜନା ମୂଳକ ଭାଷଣ ଦେଇଥିଲେ; ଯାହା ଦଙ୍ଗାର ରୂପ ନେବାରେ ସହାୟକ ହୋଇଥିଲା । ଆହ୍ଲାବାଦ ହାଇକୋର୍ଟଙ୍କ ହସ୍ତକ୍ଷେପ ପରେ ୨୦୦୮ରେ ଗୋରଖପୁର କ୍ୟାଣ୍ଟ ଥାନାରେ ଘଟଣାରେ ମାମଲା ରୁଜୁ ହୋଇଥିଲା। ପରେ ମାମଲାର ତଦନ୍ତ ଭାର ସିବି-ସିଆଇଡ଼ିଙ୍କୁ ହସ୍ତାନ୍ତର କରାଯାଇଥିଲା । ତେବେ ସରକାର ୨୦୧୭ ମଇ ୩ରେ ଯୋଗୀ ଆଦିତ୍ୟନାଥଙ୍କ ବିରୋଧରେ ଶୁଣାଣି ଜାରି ରଖିବାକୁ ମନା କରିଦେଇଥିଲେ । ସରକାରଙ୍କ ପକ୍ଷରୁ କୁହାଯାଇଥିଲା ଯେ ଯୋଗୀଙ୍କ ଭାଷଣର ଭିଡିଓ ରେକଡିଂରେ କଟାକଟି କରାଯିବା ପରେ ପୁନଃ ତଦନ୍ତ ପାଇଁ ଆବେଦନ କରାଯାଇଛି । ଗୁରୁବାର ହାଇକୋର୍ଟ ଏହି ଆବେଦନକୁ ଖରାଜ କରିଦେଇଛନ୍ତି ।
Popular Categories
Previous article
Next article