ଗୋପାଳପୁର:ଶିକ୍ଷାନୁଷ୍ଠାନ ପରିସରରେ ସହପାଠୀଙ୍କୁ କମେଣ୍ଟ ମାରିବା, ଭିଡିଓ ଭାଇରଲ ଧମକ ସହ ପ୍ରେମ ନିବେଦନ କରିବା ଅଭିଯୋଗରେ ଦୁଇ ଛାତ୍ରଙ୍କୁ ପୁଲିସ ଗିରଫ କରି କୋର୍ଟ ଚାଲାଣ କରିଛି। ଗିରଫ ଦୁଇ ଛାତ୍ର ବ୍ରହ୍ମପୁର ଆମ୍ବପୁଆ ସ୍ଥିତ ଏକ କଲେଜରେ ପାଠ ପଢୁଛନ୍ତି। ସେମାନଙ୍କ ମଧ୍ୟରୁ ଜଣେ ପଲ୍ଲିଗୁମଳା ଓ ଅନ୍ୟ ଜଣେ ସାନ କୁଶସ୍ଥଳୀର ବୋଲି ପୁଲିସ ସୂଚନା ଦେଇଛି । ଅଭିଯୋଗ ଅନୁଯାୟୀ କଲେଜରେ ପାଠ ପଢୁଥିବା ଜଣେ ଛାତ୍ରୀଙ୍କୁ ଏହି ଦୁଇ ଛାତ୍ର ଗତ କିଛି ମାସ ହେଲା ହଇରାଣ କରୁଥିବା ଅଭିଯୋଗ ହୋଇଛି। ଛାତ୍ରୀ ଜଣକ ଘଟଣା ସମ୍ପର୍କରେ ପରିବାର ବର୍ଗଙ୍କୁ ଅବଗତ କରିଥିଲେ। ଏହାକୁ ନେଇ ଛାତ୍ରୀଙ୍କ ବାପା ଉଭୟ ଛାତ୍ରଙ୍କ ସହ ଯୋଗାଯୋଗ ବେଳେ ସେମାନେ ଛାତ୍ରୀଙ୍କ ବାପାଙ୍କୁ ମଧ୍ୟ ଧମକ ଦେଇଥିବା ନେଇ ଗୋପାଳପୁର ଥାନାରେ ଲିଖିତ ଅଭିଯୋଗ କରାଯାଇଥିଲା। ଅଭିଯୋଗକୁ ଭିତ୍ତି କରି ପୁଲିସ ପକ୍ଷରୁ ୧୯୫/୨୨ରେ ଏକ ମାମଲା ରୁଜୁ କରି ଆଜି ଦୁଇ ଅଭିଯୁକ୍ତ ଛାତ୍ରକୁ ଗିରଫ କରି କୋର୍ଟ ଚାଲାଣ କରିଥିବା ପୁଲିସ୍ ସୂଚନା ଦେଇଛି।
Comments are closed.