ଉତ୍କଳମଣି ଗୋପବନ୍ଧୁଙ୍କ ଜୟନ୍ତୀ ଅବସରରେ ସମାଜ ଅନୁଷ୍ଠାନ ପକ୍ଷରୁ ଗୋପବନ୍ଧୁ ଜ୍ୟୋତି ଯାତ୍ରାର ଶୁଭାରମ୍ଭ ସୁଆଣ୍ଡୋରୁ ଆରମ୍ଭ କରାଯାଇଛି । ଗୋପବନ୍ଧୁଙ୍କ କୂଳଦେବତା ଶ୍ରୀରାଧା ବିନୋଦବିହାରୀ ଦେବଙ୍କ ଆଳତୀରୁ ଜ୍ୟୋତି ସଂଗ୍ରହ କରାଯାଇଥିଲା। ଏହାପରେ ଜ୍ୟୋତିକୁ କଟକ ଅଭିମୁଖେ ଅଣାଯାଇଥିଲା।
କଟକ ସ୍ଥିତ ସମାଜ କାର୍ଯ୍ୟାଳୟ ପରିସରରେ ଗୋପବନ୍ଧୁ ଜ୍ୟୋତିକୁ ଲୋକସେବକ ମଣ୍ଡଳର କର୍ମକର୍ତ୍ତା ଏବଂ ସମାଜର କର୍ମକର୍ତ୍ତାମାନେ ସ୍ବାଗତ କରୁଛନ୍ତି।
ସାରା ଓଡିଶା ପରିକ୍ରମା କରିବା ପାଇଁ ଗୋପବନ୍ଧୁ ଜ୍ୟୋତିକୁ ପତାକା ଦେଖାଇ ଶୁଭାରମ୍ଭ କରୁଛନ୍ତି ସୁପ୍ରିମକୋର୍ଟାର ଅବସରପ୍ରାପ୍ତ ପ୍ରଧାନ ବିଚାରପତି ଜଷ୍ଟିସ ଦୀପକ ମିଶ୍ର। ତାଙ୍କ ପାଖରେ ଉପସ୍ଥିତ ଅଛନ୍ତି ଲୋକ ସେବକ ମଣ୍ଡଳର ସଭାପତି ଦୀପକ ମାଲବ୍ୟ,ଜାତୀୟ ଯୁବ ପ୍ରକଳ୍ପର ଅଧ୍ୟକ୍ଷ ଡ.ଏସ୍.ଏନ.ସୁବାରାଓ ଏବଂ ସମାଜର ସମ୍ପାଦକ ବାମାପଦ ତ୍ରିପାଠୀ।
ଗୋପବନ୍ଧୁ ଜ୍ୟୋତି ସହ ସମଗ୍ର ଓଡିଶା ପରିକ୍ରମା କରିବା ପାଇଁ ପ୍ରସ୍ତୁତ ସୁସଜ୍ଜିତ ଗାଡି
ଗୋପବନ୍ଧୁ ଜ୍ୟୋତି ଯାତ୍ରା ଓଡିଶାର ସମସ୍ତ ଜିଲ୍ଲା ପରିକ୍ରମା କରିବ ଏହି ସମୟରେ ସମସ୍ତ ଜିଲାରେ ସ୍କୁଲ କଲେଜର ଛାତ୍ରାଛାତ୍ରୀ ଏବଂ ବୁଦ୍ଧିଜିବୀମାନେ ଜ୍ୟୋତି ଯାତ୍ରାରେ ସାମିଲ ହେବା ସହ ଗୋପବନ୍ଧୁ ଜ୍ୟୋତିକୁ ସ୍ବାଗତ କରିବେ।
