ସୁଆଣ୍ଡୋ : ଉତ୍କଳମଣି ଗୋପବନ୍ଧୁଙ୍କ ଜୟନ୍ତୀ ଉତ୍ସବରେ ସୁଆଣ୍ଡୋସ୍ଥିତ ବାସଭବନ ସମ୍ମୁଖରେ ପାଳନ କରାଯିବ। ଆସନ୍ତା ନଅ ତାରିଖରେ ଗୋପବନ୍ଧୁ ସ୍ମୃତିପରିଷଦ ପକ୍ଷରୁ ଏହା ପାଳନ କରାଯିବ। ଏହି ପରିପ୍ରେକ୍ଷୀରେ ସକାଳ ୭:୩୦ ମିନିଟରେ ଷଠିଘରେ ମହାପୁରୁଷଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ ,ପ୍ରଦୀପ ପ୍ରଜ୍ଜଳନ, ବେଦ ଗୀତା ଓ ଭାଗବତ ପାଠ ସହିତ ସମବେତ ପ୍ରାର୍ଥନା କରାଯିବ। ସକାଳ ନଅଟାରେ ସ୍ମୃତିଚାରଣ ସମ୍ବର୍ଦ୍ଧନା ଓ ଛାତ୍ରଛାତ୍ରୀଙ୍କୁ ପୁରସ୍କାର ବିତରଣ ଅନୁଷ୍ଠିତ ହେବ । ସମସ୍ତ ଗୋପବନ୍ଧୁ ପ୍ରେମୀମାନେ ମହାମନା ଗୋପବନ୍ଧୁଙ୍କ ଜୟନ୍ତୀ ସମାରୋହରେ ଯୋଗଦାନ କରି ଷଠିଘରେ ମହାପୁରୁଷଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିବାକୁ ସ୍ମୃତିପରିଷଦ ସଭାପିତ ଧୀରେନ୍ଦ୍ର ନାଥ ଦାସ ଜଣାଇଛନ୍ତି। ଗ୍ରାମ୍ୟ ଲୋକଙ୍କର କଳା ପ୍ରଦର୍ଶନ ସହିତ ଭଜନକୀର୍ତ୍ତନ କରାଯିବାର କାର୍ଯ୍ୟକ୍ରମ ମଧ୍ୟ ରହିଛି।
