ଗୋପ: ଶୁକ୍ରବାର ଗୋପ-ନିମାପଡା ରାସ୍ତାର ବାହାଣିଆ ଛକ ନିକଟରେ ସ୍କୁଟିକୁ ଧକା ଦେଲା କାର। ଫଳରେ ଗୋପର ୨ଜଣ ମହିଳା ଗୁରୁତର ହୋଇଛନ୍ତି। ଗୁରୁତର ଆହତ ହୋଇଥିବା ୨ଜଣ ମହିଳା କର୍ମଚାରୀ ବିଷ୍ଣୁପ୍ରିୟା ବରାଳ ଓ ବୈଶାଖୀ ରାଉତ ଗୋପ ବ୍ଲକରେ ଭିଆରପି ଭାବେ କାର୍ଯ୍ୟ କରୁଛନ୍ତି। ସେମାନଙ୍କୁ ଚିକିତ୍ସା ପାଇଁ ଭୁବନେଶ୍ୱର ସ୍ଥାନାନ୍ତରିତ ହୋଇଥିବା ଜଣାପଡିଛି।
ଗୋପ ବ୍ଲକର ଏହି ଦୁଇଜଣ ମହିଳା କର୍ମଚାରୀ ନିମାପଡାରୁ ସ୍କୁଟିରେ ଫେରୁଥିବା ବେଳେ କୋଣାର୍କ ପଟୁ ୪ଜଣ ଯୁବକ ଯୁବତୀ ଏକ କାରରେ ଭୁବନେଶ୍ୱର ଫେରୁଥିଲେ। କାରଟି ବାହାଣିଆ ଛକରେ ସ୍କୁଟିକୁ ଧକ୍କା ଦେଇଥିଲା। ଦୁର୍ଘଟଣା ପରେ ଘଟଣା ସ୍ଥଳରେ ଉତେଜନା ପ୍ରକାଶ ପାଇଥିଲା। ଖବର ପାଇ ଗୋପ ପୁଲିସ ଘଟଣାସ୍ଥଳରେ ପହଞ୍ଚି ଉତ୍ୟକ୍ତ ଲୋକମାନଙ୍କୁ ବୁଝା ସୁଝା କରିଥିଲେ। ଅନ୍ୟ ପଟେ ଗୋପ ପୁଲିସ ଗାଡି ଦୁଇଟିକୁ ଜବତ କରି ତଦନ୍ତ ଜାରି ରଖିଛି ।
Comments are closed.