ନୂଆଦିଲ୍ଲୀ: ପୁଣି ବଢ଼ିଲା ସୁନା ଦର । ଆଜି ପୁଣି ଭାରତୀୟ ସୁନା ବଜାରରେ ସୁନା ଓ ରୁପାର ଦାମ୍ ବୃଦ୍ଧି ଘଟିଛି । ଗତକାଲି ଦିଲ୍ଲୀରେ ସୁନାର ମୂଲ୍ୟ ସାମାନ୍ୟ ବୃଦ୍ଧି ପାଇଥିବା ବେଳେ ଆଜି ପୁଣି ରୁପାର ମୂଲ୍ୟ ବଜାରରେ ବୃଦ୍ଧି ଘଟିଛି । ଗତକାଲି ଦିଲ୍ଲୀରେ ସୁନାର ମୂଲ୍ୟ ୧୦ ଗ୍ରାମ୍ ପ୍ରତି ୨୬ଟଙ୍କା ବୃଦ୍ଧି ଘଟିଥିଲା । ଆଜି ବଜାରରେ ରୁପାର ମୂଲ୍ୟ ଏକ କେଜି ପ୍ରତି ୧୭୩ ଟଙ୍କା ବୃଦ୍ଧି ଘଟିଛି । ଦାମ୍ ବୃଦ୍ଧି ନେଇ ଏଚଡିଏଫସି ସିକ୍ୟୁରିଟିଭ୍ ପକ୍ଷରୁ ସୂଚନା ମିଳିଛି ।
ଏହି କାରଣରୁ ବର୍ତ୍ତମାନ ବଜାରରେ ସୁନା ଓ ରୁପା ଦର ସାମାନ୍ୟ ବୃଦ୍ଧି ଘଟିଛି । ଦିଲ୍ଳୀରେ ସୁନାର ମୂଲ୍ୟ ୧୦ ଗ୍ରାମ୍ ପ୍ରତି ୨୬ଟଙ୍କା ବୃଦ୍ଧି ଘଟି ୫୧ ହଜାର ୪ଶହ ଟଙ୍କା ରହିଛି । ସେହିପରି ଦିଲ୍ଲୀରେ ରୁପାର ମୂଲ୍ୟ ଏକ କେଜି ପ୍ରତି ୧୭୩ ଟଙ୍କା ବୃଦ୍ଧି ଘଟି ୬୭ ହଜାର ୯୫୬ଟଙ୍କାରେ ପହଞ୍ଚିଛି । ଲଗାତର ସୁନା ଓ ରୁପା ଦରରେ ବୃଦ୍ଧି ଘଟୁଥିବାରୁ ଗ୍ରାହକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । ଚଳିତ ବର୍ଷ ସୁନା ରୁପା ଦରରେ ଅହେତୁକ ବୃଦ୍ଧି ଘଟିଛି । ଆର୍ଥିକ ବର୍ଷର ପ୍ରଥମ ୧୧ ମାସ (ଏପ୍ରିଲ-ଫେବ୍ରୁଆରୀ) ରେ ସୁନା ଆମଦାନୀ ରେ ୭୩ ପ୍ରତିଶତ ବୃଦ୍ଧି ପାଇଛି। ସୁନା ଆମଦାନୀ ରେ ୭୩ ପ୍ରତିଶତ ବୃଦ୍ଧି ଘଟି ୪୫.୧ ବିଲିୟନ ଡଲାରରେ ପହଞ୍ଚିଛି । ଦେଶରେ ସୁନାର ଅଧିକ ଚାହିଦା ଦେଖି ସୁନା ଆମଦାନୀ ମଧ୍ୟ ବଢ଼ିବାରେ ଲାଗିଛି । ପୂର୍ବ ଆର୍ଥିକ ବର୍ଷର ସମାନ ଅବଧିରେ ସୁନା ଆମଦାନୀ ୨୬.୧୧ ବିଲିୟନ ଡଲାରରେ ପହଞ୍ଚିଛି ।
