ଘସିପୁରା : କେନ୍ଦୁଝର ଜିଲା ଘସିପୁରା ବ୍ଲକ ଅନ୍ତର୍ଗତ ଓସ୍ତପୁରା ଗ୍ରାମରେ ଏକ ଅଭାବନୀୟ ଘଟଣା ଘଟିଛି। ଗ୍ରାମର ଦେବେନ୍ଦ୍ର ନାଏକଙ୍କ ଝିଅ ସୁନିତା ନାଏକ(୧୧) କୂଅରୁ ପାଣି କାଢୁଥିବା ସମୟରେ କୂଅରେ ପଡିଯାଇଥିଲେ। ପରେ ପରିବାର ଲୋକ ଉଦ୍ଧାରକରି ଆନନ୍ଦପୁର ଉପଖଣ୍ଡ ଚିକିତ୍ସାଳୟକୁ ନେଇଥିଲେ। ଚିକିତ୍ସାଳୟରେ ଡାକ୍ତର ସୁନିତାଙ୍କୁ ମୃତ୍ୟୁ ଘୋଷଣା କରିଥିଲେ। ଘସିପୁରା ପୁଲିସ ଶବ ଜବତ କରି ଶବବ୍ୟବଛେଦ ପାଇଁ ପଠାଇଥିଲା। ସନ୍ଧ୍ୟା ହୋଇଥିବାରୁ ଶବବ୍ୟବଛେଦ ହୋଇପାରିନଥିବା ସୂଚନା ମିଳିଛି।
